بغلان مرکزی پلخمری شهریده سوداگر بیر عیال، بیر رستورانت ایجاد قیلیش بیلن تعلیم‌دن محروم قالگن ۱۰ قیز گه، ایش زمینه‌سی نی فراهم قیلگن.
مذکور رستورانت مسئولی زرغونه عظیمی نینگ ایتیشیچه، عیال‌لر اوچون کوپراق ایش فضا‌سی فراهم بولگنی صورت‌ده، عیال‌لر گه کوپراق ایش زمینه‌سی نینگ یره‌تیش ایسته‌یدی.
بیزلرنینگ توییترده هم تعقیب قیلینگ!
بانو زرغونه نینگ ایتیشیچه: «عیال‌لر نینگ آزار و اذیت بولمه‌یشی نی ایسته‌یمیز. مین اوزیم حاضر ایسه بویوک بیر رستورانت نی پیش آلیب باره آله‌من. مکتب‌دن محروم قالگن قیزلر آزاد بیر شکلده هم ایشله‌ب و هم فامیل خره‌جتی نی تامین قیله آله‌دیلر. شونینگدیک تشقری‌دن کیله‌دیگن عیال‌لر هم آزاد بیر شکلده نان ییه‌آله‌دی.»
عین حالده، اوشبو رستورانت‌ده ایش بیلن شغللنگن قیزلردن قطاری، ایش زمینه‌سی فراهم بولگنی‌دن خورسند‌لیک بیلدیریب و اسلام امیر‌لیگی‌دن شونینگدیک قیزلر گه تعلیم نی دوام بیریش زمینه‌سی نینگ فراهم بولیشی نی ایسته‌گنلر.
مذکور رستورانت‌ده ایش بیلن شغللنگن مریم صادقی نینگ سلام‌وطندار گه ایتیشیچه، «قریب ایکی آی‌دن بیری بو ییرده ایشله‌یمیز. بو ایش‌دن قولگه کیلتیرگنی‌میز پول بیلن عایله خره‌جتی‌میز نی تامین قیله‌میز. تعلیم کوریشی‌میز اوچون مکتب‌لر ایشیگی نینگ آچیلیشی نی ایسته‌یمیز.»
شونینگدیک اوشبو رستورانت‌ده ایش بیلن شغللنگن‌لردن باشقه بیری زینب شریفی نینگ ایتیشیچه: «ییمک پیشیره‌میز. چتنی توزته‌میز. باشقه ترشی تشله‌یمیز. شونینگدیک مربا هم تیارله‌یمیز.»
بیزلرنینگ فیسبوک صحیفه‌میزگه باش اورینگ!
شونده‌ی بیرحالده، اوشبو رستورانت نینگ عیال مشتری‌لریدن قطاری گه کوره، مذکور رستورانت نینگ برچه ایشلاوچیلری عیال بولگنی و راحت بیر شکلده ییمک سفارش بیریش اوچون خورسند‌لر.
اوشبو رستورانت مشتری‌لریدن بیری زهره عبادی نینگ سلام‌وطندار گه ایتیش‌لریچه: «اوقووچی ایدیم. بو ییرده تیکوچیلیک قیله‌من. بو ییرده آزاد بیر شکلده ییمک آلیب و ییه آله‌میز. چونکه بو ییرده ایرکک‌لر یوق و برچه‌سی عیال ایشله‌یدی. بیزلر هم بو ییردن هر نرسه آله‌میز.»
عین حالده، اسلام امیر‌لیگی نینگ قدرت گه ایریش‌گنی‌دن کیین، آلتینچی صنف‌دن یوقاری قیز اوقووچیلر تعلیم‌دن محروم بولیب و اولردن قطاری، تیکووچیلیک و قول صناعت‌لری نی ایشلب چیقاریش گه یوز کیلتیرگنلر.