بغلان ولایتی‌ده قشاقلیک و ایش‌سیزلیک کوپه‌یشی، اوشبو ولایت‌ده‌گی یشاوچیلر نینگ یامان بیر وضعیت‌ده قرار بیرگن.
بغلان مرکزی پلخمری شهری‌ده حیات کیچیره‌دیگن اون کیشی‌لیک عایله سرپرستی و سکیز باله نینگ آته‌سی شاه‌ابراهیم نادارلیک و ایش‌لیک‌دن شکایت قیلیب و ایتیشیچه، باله‌لری آره‌سیده تورت قیزی و ایکی اوغلی گنگ و شونینگدیک تورموش اورتاغی هم کسل دیر.
شونده‌ی بیرحالده، شاه‌ابراهیم نینگ اوغیل‌لریدن بیری کراچی هیده‌ب عایله خره‌جتی نی تامین‌لش اوچون سعی و حرکت قیله‌دی.
بیزلرنینگ فیسبوک صحیفه‌میزگه باش اورینگ!
شاه‌ابراهیم نینگ سلام‌وطندار گه ایتیشیچه: «اقتصادی وضعیتیمیز جوده‌یم یامان دیر. اوتمیش‌ده موتر هیده‌ر ایدیم، بیراق بیل آغریق بولدیم و قریب ایکی ییل دیر اویده‌مین. شونینگدیک اهالی نی موتری نی آلیب درست ایشلگن تقدیر‌ده موتر‌لری نی بیره‌دیلر. بیل آغریق تاپگنیم‌دن بیری بیر کون کیتیب و اوچ کون کیته آلمه‌یدیم، انه شوو سبب موتر نی آلدیلر و حاضر اویده مین. کراچی هیده‌یدیگن ییگیت‌لریم هم بعضی کون‌لر ۴۰ یا-ده ۵۰ افغانی و بعضی کون‌لر هم ۱۰۰ افغانی ایشله‌یدیلر.»
مذکور عایله نینگ قیزی محبوبه سینگیل‌لری نینگ استعداد‌لری گه اشاره قیلیب و یاردم بیرووچی نهاد‌لردن اولر گه ایش زمینه‌سی ایجاد بولیشی نی ایسته‌گن.
شونده‌ی بیرحالده، بغلان حاکمی سوزلاوچیسی علم مجیدی نینگ ایتیشیچه، مملکت‌ده یوز بیرگن سونگی قوروق‌چیلیک و سووتاشقین‌لر، اهالی آره‌سیده قشاقلیک و نادارلیک نینگ کوپه‌یشی گه سبب بولگن.
او ملی و خلق‌ارا نهاد‌لردن نیازمند کیشی‌لر گه یاردم بیریلیشی نی ایسته‌گن.
بیزلرنینگ توییترده هم تعقیب قیلینگ!
جناب مجیدی نینگ ایتیشیچه: «افغانستان اینیقسه بغلان نینگ حاضرگی وضعیتی یامان دیر. چونکه کوپینچه قوروق‌چیلیک، سووتاشقین‌لر کوپه‌یگن و اهالی کوپینچه زیان کورگن. ملی، خلق‌ارا و سوداگرلردن نیازمند و قشاق عایله‌لر گه یاردم بیریش‌لری نی ایسته‌میز و اهالی سوو تاشقین‌لردن کوپراق زیان کورگن و اولر گه یاردم بیریلیشی کیره‌ک.»
عین حالده، اسلام امیر‌لیگی نینگ قدرت گه ایریشگنیدن کیین، افغانستان ده دنیا جماعه نینگ یاردم‌لریدن بیر قطاری توخته‌ب و اوشبو مملکت‌ده ایش‌سیزلیک و قشاقلیک میزانی کوپه‌یگن که، انه شوو سبب یشاوچیلردن کوپ قطاری قشاقلیک و اقتصادی قیین‌چیلیک‌لر بیلن روپه‌ره بولگنلر.