بغلان و سمنگان ده عیاللردن قطاری، اوشبو ایکی ولایت‌ده عیاللر آره‌سیده باش آغریق کسللیگی کوپه‌یگنیدن خواطر بیلدیریب و ایتیشلریچه، عیاللر ایش‌سیزلیگی و جمعیت‌ده قشاق‌لیک کوچه‌یگنی، عیاللر آره‌سیده بو کسل‌لیک نینگ کوپه‌یگنی سببلریدن دیر.
بغلان یشاوچیسی زرمینه نینگ سلام‌وطندار گه ایتیشیچه، کسللیگی دوالنیشی مقصد نیچه مرته شفاکار گه مراجعت قیلگنی بیرحالده؛ بیراق حاضرگچه بو کسل‌لیکدن اذیت چیکماقده.
اونینگ کوپه‌یتیریشیچه: «۱۴ یاشرلیک‌دن بویان مین باش آغریق و حاضر ایسه ۱۵ یاشیم گه کیرگن‌من. باریب باشیم نینگ صورتی نی آلدیردم، شفاکار گه باردم و ۱۳ نسخه دارو بیردی؛ حاضرگچه یخشی بولمه‌گن‌من. درست اوخلمه‌سلیک، آز اوخله‌ش، کوپینچه سیس و تشویش قیلیش باش آغریغیم سببلریدن دیر.»
شونینگدیک بغلان یشاوچیلریدن باشقه بیری کرشمه نینگ ایتیشیچه، باش آغریق کسللیگی گه چلینگنیدن ایکی ییل بولگن و کوپینچه دارو قوللنگنی بیلن، بیراق اونینگ کسللیگی دوالنیشی خصوصیده هیچ قنده‌ی تاثیر قیلمه‌گن.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «باش آغریغیم‌دن ایکی ییل بوله‌دی و شفاکار گه مراجعت قیلدم، قیغو بیلن ایجابی نتیجه آلمه‌دیم. سببی ایسه بلکیم دارولر صفتی یوقاری بولمه‌گنی یا-ده شفاکار باش آغریغیم سببی نی بیلمه‌گنی دیر. ایکی ییل بوله‌دی که شفاکار گه باریب و دارو آله‌من، لیکن نتیجه بیرمه‌گن.»
سمنگان یشاوچیلریدن شکیلا و مدینه نینگ ایتیشلریچه، سونگی اوچ ییل‌ده بو کسل‌لیککه چلینگنلر.
شکیلا نینگ کوپه‌یتیریشیچه: «باش آغریغیم یریم باش‌دن باشله‌دی؛ کوزلریم‌ده هم آغریق باشله‌ر ایدی، بعضا کوزلریم نینگ راست قسمتی و بعضا ایسه چپ قسمتی‌ده آغریق باشله‌ر ایدی، حتا قولاق و باغزیم هم آغریر ایدی. کوپینچه شفاکار گه باردم و معاینه قیلدی. بیریسی افسرده‌لیگینگ بار و باشقه بیریسی ایسه معده قیینچیلیگی گه چلینگن‌سین دیگن ایدی.»
شونینگدیک مدینه نینگ کوپه‌یتیریشیچه: «هوا کوپ ایسیق بولگنی‌ده یا-ده کوپ درس اوقیگنیم‌ده باشیم آغریدی. شفاکار گه بارگن ایدیم؛ چون کوزیم بیراز ضعیف و بیر قطار شفاکار کوزینگ ضعیفلیگی سبب کوزلرینگ گه فشار کیله‌دی و انه شوو سبب باشینگ آغریدی دیگن ایدی.»
باشقه بیر تاماندن، بغلان دهگی شفاکارلردن عثمان شیرزی نینگ ایتیشیچه، عیاللر تورلی سببلر بیلن باش آغریققه کوپراق چلینه‌دیلر.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «عیاللر نینگ ایشلش و فعالیت قیلیشی کیره‌ک؛ جمعیت‌ده سهم آلسینلر و درس اوقیسبنلر. عیاللر جسمانی نقطه‌ی نظریدن ایرککلر گه قره‌گنده ضعیفلر؛ چونکه قیین‌چیلیکلری بار، انه شوو سبب اولر کوپراق باش آغریققه چلینه‌دیلر. اینگ یخشی یول شو که اولر گه یخشی‌راق حیات کیچیریش زمینه‌سی یره‌تیلسه.»
شونده‌ی بیرحالده، بغلان نینگ مرکزی کسل‌خانه‌سیده‌گی شفاکار احمدبارز صاحب‌زاده گه کوره، اوشبو کسل‌خانه گه باش آغریققه چلینگن عیاللر مراجعتی کوپه‌یگن.
صاحب‌زاده نینگ کوپه‌یتیریشیچه: «مراجعت قیلگنلر گه قره‌گنده، باش آغریق و افسرده‌لیکدن شکایت قیلگن کسللر سانی اوتگن ییل گه نسبت کوپه‌یگن که سببی نی ایسه روحی تشویشلر دیب هم ایته آله‌میز؛ لیکن عیاللر آره‌سیده روحی تشویشلر سببی هورمون فرقلری، توغیش، ناگران‌لیک، عایله اعضاسینی قولدن بیریش، عایله‌وی قیین‌چیلیکلر، اقتصادی قیین‌چیلیکلر، مهاجرت و باشقه موردلر بوله آله‌دی. اعصاب بولیمی متخصصی صفتیده مینی توصیه‌م شو که، وقتی‌ده شفاکار گه مراجعت قیلسینلر و شفاکار توصیه‌سی اساسیده منظم شکلده دارو قوللنسینلر. اولر نینگ باش آغریق کسللیگی گه سبب بولگن نرسه‌لردن اوزاق بولسینلر.»
ایتیش کیره‌ک که، بیر قطار ولایت‌لرده عیاللر آره‌سیده باش آغریق کسللیگی کوپه‌یگنی، عصبی باسیم نینگ یوقاریلیگی کبی عامللری بار که، شفاکارلر نینگ اورغولشیچه، کسللر دارولر نینگ قوللنیش‌ده احتیاط قیلیشلری کیره‌ک.
