بغلان ولایتی نینگ مرکزی پلخمری شهری ده کمبغل ۴۲۷ عیال و ۷۳ ایرکک که، اوشبو ولایت ایش و اجتماعی ایشلر ریاستی تامانیدن کسب و هنرنی اورگه‌نیش زمینه‌سی یره‌تیلگن.
اوشبو برنامه ده، سواد اورگه‌تیش، خیاط لیک، چرمه دوزلیک و موتر سایکل‌نی تعمیرلش ایشلری اورگه‌تیلیشی کوتیله‌دی.
بیزلرنینگ فیسبوک صحیفه‌میزگه باش اورینگ!
بغلان ایش و اجتماعی ایشلر باشلیغی نصرت‌الله پارسا نینگ ایتیشیچه، مذکور برنامه خلق‌ارا آزیق_آوقات دستوری (WFP) تامانیدن قولب-قوتلنه‌دی.
جناب پارسا گه کوره، اوشبو پروژه توپلم شکلده ۱۰ میلیون افغانی خرجت کوتره‌دی. «بو برنامه ایکی مهم بولیمگه اجره‌تیلگن عیاللر و ییگیت‌لر ایشله‌یدی، اوشبو برنامه اونملی بولیشیگه امید بیلدیره‌میز. استادلر نینگ ایشلشی گه قوشیمچه اوزیمیز هم نظارت قیله‌میز.»
شونینگدیک، مذکور اورگه‌تیش ایشخانه ده ایشله‌یدیگن عیاللردن قطاری نینگ ایتیشلریچه، کسب و هنر تعلیمیدن کیین اوزلری وعایله‌لری نینگ اقتصادینی حل قیلیشنی ایسته‌یدیلر.
مذکور ایشخانه ده ایشله‌یدیگن عیاللردن شبانه گه کوره: «مین خیاط لیک قیلیش بیلن عایله‌مگه مالی یاردم بیریشنی ایسته‌یمن، چونکه خیاط لیک برچه آپه سینگلر گه نیاز دیر، برچه سینگلر خیاط لیکنی بیلیش‌لری کیره‌ک، بو خیاط لیک آلتی آی دوام ایته‌دی، برچه نرسه‌نی اورگه‌نیش اوچون اوشبو خیاط لیک دوام ایتیشینی ایسته‌یمیز.»
بیزلرنینگ توییترده هم تعقیب قیلینگ!
مذکور ایشخانه ده ایشله‌یدیگن عیاللردن باشقه بیری صابره نینگ ایتیشیچه: «بیزنی غایه‌میز یالغیز یاردم سوره‌ش ایمس بلکه بیر نرسه‌نی اورگه‌نیش دیر، بوندن کیین اوزیمیز ساتووچیلیک و دوکان توزه‌تیشیمیز ممکن.»
بغلان ایش و اجتماعی ایشلر ریاستی گه کوره، اوشبو ایشخانه یالغیز پلخمری شهری ده باشلنگن و اولر بو گَل برنامه‌لرنی بغلان نینگ باشقه تومن‌لری گه یولگه قویش مقصدیده سعی و حرکت قیلماقده‌لر.
