بغلان مرکزی پلخمری شهری ده «سرخ‌کوتل» منطقه‌سی یشاوچیلریدن بیرقطاری، برق‌سیزلیک دن نالیب ایتیشلریچه، کمبغل‌لیک باعث سولر ساتیب آلیش گه کوچ‌لری ییتمه‌یدی.
سرخ‌کوتل یشاوچیسی خالدمحمد نینگ ایتیشیچه، برق‌سیزلیک باعث اکثر کیچه‌لرنی «الکین» یاقیب اوتکزه‌‌دیلر. او نینگ کوپه‌یتیریشیچه: «برق قیینچیلیگی بار، کوپی کیچه‌لرنی الکین یاقیب اوتکزه‌میز. یشاوچیلر سولر تاپسه‌لر بطری تاپمه‌یدی؛ اگر بطری تاپسه‌لر سولر تاپیشه آلمه‌یدی.»
بیزلرنینگ فیسبوک صحیفه‌میزگه باش اورینگ!
سرخ‌کوتل یشاوچیلریدن باشقه بیری ملک عبدالحسن، کمبغل‌لیک دن نالیب ایتیشیچه، سولر ساتیب آلیش گه کوچی ییتمه‌یدی. اونگه کوره: «شونده‌ی محروم قالگن‌میز. برققه نیازیمیز کوپ، قیینچیلیک بیلن روپه‌ره‌میز. بیز گه برق ییتکیزیب بیریش‌لرینی ایسته‌یمیز.»
شونینگدیک، سرخل‌کوتل منطقه‌سی «گداخیل» قیشلاغی قوم ایکی بویوکی نینگ سلام‌وطندار گه ایتیشلریچه، اوشبو منطقه ده‌گی قریب ۱۰ قیشلاق یشاوچیلری نینگ برقی یوق دیر. اونگه کوره: «سوونی موزله‌تیش اوچون برق یوق، سوو جوده هم ایسیق دیر. باله‌لر کیچه تاماندن پکه یوق‌لیگی باعث کوپ ییغله‌یدیلر، کییم_کیچک‌لریمیزنی اتولش اوچون برق یوق دیر.»
شو بیلن بیرگه، بغلان ده افغانستان برشنا شرکتی ریاستی مسئوللری نینگ ایتیشلریچه، پلخمری شهری نینگ کوپ سانده قیشلاق و منطقه‌لری جمله دن «دندغوری» تیکشیریلگن، مدرک‌لری نهایی بولیب و برق قیینچیلیکلری حل ایتیلگن. اونگه کوره، برق قیینچیلیگی بیلن روپه‌ره بولگن قیشلاق‌لر نینگ معمالری پروژه منظور بولیشی بیلن حل بوله‌دی.
بیزلرنینگ توییترده هم تعقیب قیلینگ!
برشنا شرکتی ریاستی نینگ عملیاتی ایشلری بوییچه اورین باسری ضیاءالرحمان انصاری نینگ سلام‌وطندار گه ایتیشیچه: «بعضی ساحه‌لر ده، پروژه‌لر نینگ ایشی یریم قالگن و سیمی لین‌لر توزیع بولگن و بعضی منطقه‌لرده برق پایه‌لری قوندیریلگن. برشنا شرکتی، برق‌سیز منطقه‌لرنی اوز پلانی گه کیریتگن استه‌سیکین برچه معمالر حل بوله‌دی.»
بغلان مرکزی پلخمری شهری دن ۱۸ کیلومتر اوزاق‌لیکده جایلشگن سرخ‌کوتل یشاوچیلری، برق‌سیزلیک، سوو تاشقین‌لرینی آلدینی آلیش، ایچیملیک سوو و ستندرد سرک یوق‌لیگی قیینچیلیکلری بیلن روپه‌ره دیر.
