بادغیس امنیتی رسمی‌لری، هرات_میمنه قتناو یولیده بیر موتر قولشی عاقبتیده باله‌لر شامل بیش کیشی هلاک بولیب و باشقه ۹ کیشی یره‌لنگنیدن خبر بیره‌دیلر.
بیزلرنینگ فیسبوک صحیفه‌میزگه باش اورینگ!
بادغیس امنیه قوماندان‌لیگی سوزلاوچیسی صدیق‌الله صدیقی نینگ سلام‌وطندار گه ایتیشیچه، بادغیس ولایتی بالا مرغاب تومنی «بندمنگان» منطقه‌سیده هرات ولایتیدن فاریاب تامان حرکت گه بولگن «لند کروزر» رسوملی بیر موتر، سرک دن چیقیب چپه بولیشی عاقبتیده ۱۴ کیشی اولیب و یره‌لنگن.
جناب صدیقی گه کوره، واقعه طفیلی یره‌لنگنلر اسلام امیرلیگی کوچلری تامانیدن بالا مرغاب تومنی نینگ ساغلیک مرکزی گه انتقال بیریلگن.
بیزلرنینگ توییترده هم تعقیب قیلینگ!
بادغیس امنیه قوماندان‌لیگی سوزلاوچیسی، واقعه سببینی هیداوچی نینگ دقت‌سیزلیگی و یول بوزوق‌لیگی عنوان قیلگن.
ایتیش کیره‌ک که، مملکت نینگ قطار ولایت‌لریده هیداوچیلر نینگ دقت‌سیزلیگی و یوللر بوزوق‌لیگی باعث، انده_سنده ترافیکی حادثه یوز بیریب و یشاوچیلردن قربان‌لیک آلماقده.
