بادغیس ولایتی بوییچه عیاللر ریاستی مسوول‌لری نینگ سلام‌وطندارگه ایتیش‌لریچه، اوشبو ولایت نینگ جوند تومنیده ینگی‌لیکده تورموش قورگن بیر کیلین سیچقان داروسی ییب، اوزینی اولدیرگن.
بادغیس ولایتی بوییچه عیاللر ریاستی باشلیغی راحله نادری نینگ ایتیشیچه، مذکور عیال ۲۴ یاشیده بولیب، بیر یریم آی آلدین تورموش قورگن ایکن.
خانم نادری نینگ کوپه‌یتیریشچه، مذکور کیلین نینگ جسدی تیکشیریش اوچون هرات ولایتی نینگ حوزه‌یی کسلخانه‌سیگه انتقال بیریلگن.
خانم نادری گه کوره، خودکش‌لیک قیلگن عیال نینگ تورموش اورتاغی (ایری) قاچیب کیتگن، لیکن اونینگ آته و آنه‌سی پولیس تامانیدن قولگه آلینگن.
بادغیس ولایتی بوییچه عیاللر ریاستی باشلیغی نینگ ایتیشیچه، اوشبو ولایت‌ده عایله‌وی زوروانلیک‌لرنینگ کوپه‌یشی خواطرلی دیر. اونینگ کوپه‌یتیریشیچه، اوتگن ۶ آی‌ده ۵۴ زوروانلیک قضیه قید ایتیلگن و اوشبو رقم اوتگن ییل‌گه قره‌گنده ۵۰ % کوپه‌یگن.