بدخشان ده محلی مسئوللر نینگ ایتیشلریچه، اوتگن کون شام چاغی و بوگون ایرته‌لب مذکور ولایت نینگ مرکزی حوزه‌سی بیلن یمگان و ارگو تومن‌لریده یوز بیرگن سوو تاشقین‌لر، اوشبو محللر یشاوچیلری گه تلفات بیلن کوپینچه مالی زیان ییتیشتیرگن.
یمگان ولسوالی حبیب‌الرحمان احمدی نینگ ایتیشیچه، اوتگن کون شام چاغی و بوگون ایرته‌لب مذکور تومن نینگ «حضرت سعید، سرسیل، دره‌ی کلف‌زار و یرغسک» قیشلاقلریده یوز بیرگن سوو تاشقین‌لر نتیجه‌سیده، ۱۰۰ یشش اوی و ۱۰۰۰دن آرتیق ایکینچیلیک ییر ویران بولیب و اونلب باش چاروه تلف بولگن.
بیزلرنینگ «ایکس» ترماغی ده هم تعقیب قیلینگ!
شونده‌ی بیرحالده، بدخشان طبیعی حادثه‌لر گه قرشی کوره‌ش ریاستی مسئوللری نینگ ایتیشلریچه، اوتگن کونی بو ولایت ارگو، خاش و جرم تومن‌لریده یوز بیرگن سوو تاشقین‌لر محل یشاوچیلری گه کوپینچه مالی زیان‌لر ییتیشتیرگن.
بدخشان طبیعی حادثه‌لر گه قرشی کوره‌ش باشلیغی محمداکرم اکبری نینگ ایتیشیچه، اوشبو ولایت طبیعی حادثه‌لر گه قرشی کوره‌ش ریاستی و همکار موسسه‌لردن تشکیل بولگن قیدیرو تیم‌لر، اوتگن کیچه یوز بیرگن سوو تاشقن عاقبتیده اولگن بیر عایله نینگ ۹ اعضاسی نی تاپیش اوچون سعی‌وحرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
ایتیش کیره‌‌ک که، اوتگن کیچه بدخشان مرکزی فیض‌آباد شهری نینگ «مورچک» قیشلاغیده یوز بیرگن سوو تاشقین‌لر نتیجه‌سیده، بیر عایله نینگ ۱۰ اعضاسی هلاک بولگن که اولردن بیر ته‌سی نینگ جسدی تاپیلیب و باشقه ۹ ته‌سی نینگ جسدی تاپیلیشی اوچون حکومت و محل یشاوچیلر نینگ قیدیریشی دوام قلیماقده.
