بدخشان مرکزی فیض‌آباد شهری یشاوچیلریدن بیرقطاری، اوشبو ولایت ده دم‌آلیش مکان‌لری چیقیندی‌خانه‌لر گه اوزگرگنیدن شکایت قیله‌دیلر.
فیض‌آباد شهری یشاوچیسی شهرام نیازی گه کوره، اوشبو شهر ده پارک‌لر و دم‌آلیش مکان‌لری آز بولسه ده، بیراق یشاوچیلر نظافت نی رعایت قیلمسدن چیقیندی‌لرینی هر جای ده تشله‌یدیلر.
بیزلرنینگ فیسبوک صحیفه‌میزگه باش اورینگ!
او نینگ ایتیشیچه: «تأسف بیلن دم‌آلیش مکان‌لری چیقیندی‌خانه اوزگرگن، کوکچه دریا قیرره‌لریده باردیک او ییرده‌هم چیقیندی‌لر تشلنگن، مسئوللردن بوتوغریده دقت قیلیش‌لرینی ایسته‌یمیز.»
بدخشان یشاوچیلریدن باشقه بیری سمیع‌الله گه کوره، بلدیه مسئوللری نینگ دقت‌سیزلیگی باعث، مذکور ولایتده‌گی پارک‌لر و دم‌آلیش مکان‌لری چیقیندی‌خانه‌لر گه اوزگرگن.
او نینگ کوپه‌یتیریشیچه: «بدخشان ده مناسب دم‌آلیش مکان‌لری بار، بیراق تأسف بیلن مسئوللر بوتوغریده بی‌فرق دیر. کوپ سانده یشاوچیلر چیقیندی‌لرینی دم‌آلیش باغ‌لر و پارک‌لرده تشله‌یدی.»
بیراق بدخشان مرکزی فیض‌آباد شهری بلدیه مسئوللری نینگ ایتیشلریچه، اوشبو اداره تامانیدن پارک‌لر و دم‌آلیش مکان‌لرده چیقیندی اوچون انیق جای تعینلنگن. اولر پارک‌لر برابری ده بلدیه مسئوللری نینگ بی‌فرق‌لیگینی رد قیلیشه‌دی.
بیزلرنینگ توییترده هم تعقیب قیلینگ!
فیض‌آباد شهری بلدیه اداره‌سی نینگ اداری ایشلر مدیری محمداسماعیل سامع نینگ سلام‌وطندار گه ایتیشیچه، بلدیه اداره‌سی گه تیگیشلی دم‌آلیش مکان‌لر، دایمی روشده مذکور اداره نینگ تنظیف بولیمی ایشلاوچیلری تامانیدن تازه‌لنه‌دی.
اونگه کوره: «دولت گه عاید بولمه‌گن مکان‌لرده بیز اره‌لشه آلمه‌ی‌میز، بیز اوز ایشیمیز گه دایر برنامه و پلان‌لریمیز بار، بو توغریده ایشله‌یمیز، چیقیندی‌لر اوچون انیق مکان‌لر تعینلنگن.»
مملکت نینگ شمال‌شرقی ده جایلشگن بدخشان، ایچکی و خارجی توریست‌لر اوچون گوزه‌ل منظره و مکان‌لر گه ایگه، توریست‌لر کوپراق کوکلم و یاز موسوم‌لریده قوشنی و باشقه ولایت‌لردن تفریح اوچون اوشبو ولایت گه کیله‌دیلر؛ بیراق سونگی کون‌لرده گوزه‌ل و کورکم مذکور مکان‌لر، چیقیندی‌خانه‌لر گه اوزگرگن.
