بدخشان ده عیاللردن قطاری، اقتصادی قیینچیلیک و آگاهی‌سیزلیک سبب بو ولایت‌ده‌گی عیاللر نینگ اوز باشیمچه‌لیک دارو استعمال قیلیشلرینی بیان قیلگنلری بیرحالده؛ شفاکارلر اونینگ عاقبتلریدن آگاه‌لنتیرگنلر.
بدخشان یشاوچیلریدن فریده و جاویده نینگ سلام‌وطندار گه ایتیشلریچه، عیاللر اینیقسه اوشبو ولایت‌ده‌گی چقه‌لاغی بولگن آنه‌لر، اوز باشیمچه‌لیک دارو استعمال قیله‌دیلر.
مذکور ایکی عیال، عیاللر آره‌سیده اوز باشیمچه‌لیک دارو استعمال قیلینیشی سببی نی، آگاهی‌سیزلیک و کمبغل‌لیک دیب و کوپه‌یتیریشلریچه، ستندرد دوالنیش اوچون مالی امکانیتلری یوقلیگی سبب کسل‌لیکلری نینگ دوالنیشی مقصد اوزباشیمچه‌لیک دارو استعمال قیله‌دیلر.
بیزلرنینگ فیسبوک صحیفه‌میزگه باش اورینگ!
فریده گه کوره: «تلویزیونی معاینه‌ده کمیده ۳۰۰ افغانی آله‌دیلر؛ ۱۵۰ افغانی هم معاینه خره‌جتی بوله‌دی یا هم کوپینچه دارو بیره‌دیلر. انه شوو سبب اوز باشیمچه‌لیک دارو استعمال قیله‌میز و عیاللر نینگ اینگ کوپ قوللنه‌دیگنلری دارو هم، پاراستامول و بروفن دیر.»
شونینگدیک جاویده گه کوره: «اوز باشیمچه‌لیک کوپ دارو قوللنه‌من؛ چونکه اقتصادیمیز اونچه‌لیک یخشی ایمس و انه شوو سبب شفاکار گه باره آلمه‌یمن. بیر ریزش اوچون هم شفاکار گه باره آلمه‌یمیز؛ اونچه‌لیک مهم بیلمه‌ی و اوزیمیر دارو ساتیب آله‌میز و قوللنه‌میز. باشیمیز نینگ آغریشی قالسه معده‌میز نی آغریته‌دی یا-ده باشقه بیر قیین‌چیلیککه سبب بوله‌دی.»
شونده‌ی بیرحالده، چقه‌لاغی بولگن عیاللردن حمیه نینگ ایتیشیچه، اوز باشیمچه‌لیک دارولردن استعمال قیلگنی، اونگه جدی شکلده زیان ییتیشتیرگن.
اونینگ کوپه‌یتیریشیچه: «اوز باشیمچه‌لیک دارولردن استعمال قیله‌میز و بو دارولردن قوللنگنیمیزدن کیین، کوپینچه قیین‌چیلیککه روپه‌ره بوله‌میز. دارولردن کوپینچه‌سی نینگ تاثیری بار. باشیمیز آغریگنی‌ده پاراستامول‌دن قوللنه‌میز. باش آغریمیز توزلگنی‌ده؛ بیراق بو تنی‌میز نینگ باشقه قسملریگه سلبی تاثیر قیله‌دی.»
عین حالده، شفاکارلر عیاللر اینیقسه چقه‌لاغی بولگن و حامله‌لیک عیاللر آره‌سیده اوز باشیمچه‌لیک دارولر استعمال قیلینیشی عاقبتلریدن آگاه‌لنتیرگنلر.
بدخشان ده توغروق بولیمی شفاکاری ملالی جویا نینگ ایتیشیچه: «آنه‌لر نینگ قوللنه‌دیگن دارولردن کوپینچه‌سی نی آنه‌لر هورمونلری هضم قیله آلمه‌یدی و سوت ایچیگه کیته‌دی؛ سوت آرقه‌لی چقه‌لاق تنی گه کیته‌دی و چقه‌لاق تنی‌دن اونینگ قانی گه کیره‌دی؛ چونکه چقه‌لاق تنی رشد قیلمه‌گن. انه شوو سبب کیله‌جک‌ده مذکور چقه‌لاق کوپینچه قیین‌چیلیکلرگه روپه‌ره بوله‌دی؛ بو یوزدن امکان قدر اوز باشیمچه‌لیک دارولردن استعمال قیلینیشی آلدی آلینیشی کیره‌ک.»
بیزلرنینگ «ایکس» ترماغی ده هم تعقیب قیلینگ!
بولر گه علاوه، بدخشان ساغلیق‌نی سقلش ریاستی نینگ توییب آوقت‌لنمه‌سلیک بوییچه عمومی مدیری جاوید محبی نینگ ایتیشیچه، نیچه مرته دارو ساته‌دیگنلر گه شفاکار توصیه‌سی بولمسدن دارو ساتمسلیکلری اَیتیلگن.
محبی نینگ کوپه‌یتیریشیچه: «چونکه دارولردن هر بیری نینگ خطری بار و بو دارولر احتمالاً آنه سوتی آرقه‌لی انتقال قیلگنی‌ده چقه‌لاققه بیراز قیینچیلیک یره‌ته‌دی. احتمالاً چقه‌لاق نینگ ایچ‌کیتمه و قیتریشی یا-ده اویقوچیلیگی‌گه سبب بوله‌دی و اولر نینگ اویقو سیستمی نی قیینچیلیک بیلن روپه‌ره قیله‌دی و نامنظم بوله‌دی. انه شوو سبب حرمتلی آنه‌لر دارو قوللنیشلریدن آلدین شفاکار بیلن مصلحت قیلیشلری کیره‌ک.»
ایتیش کیره‌ک که، کمبغل‌لیک و اقتصادی یامان وضعیت سبب عیاللر اینیقسه چقه‌لاغی بولگن آنه‌لر آرقه‌لی اوز باشیمچه‌لیک دارو استعمال قیلینیشی، شفاکار و کسل‌خانه گه مراجعت امکانینی کمه‌یتیرگن که بو وضعیت دوام قیلگنی صورت‌ده، کیله‌جک‌ده عیاللر و باله‌لر اوچون توزتیب بولمه‌یدیگن عاقبتلر گه سبب بولیشی ممکن.
