بدخشان نینگ تشکان، کوهستان، تگاب، درایم و وردوج تومن‌لریده یوز بیرگن سونگی سوو تاشقینلریدن زیان کورگنلردن قطاری، یاردم‌لر ترقه‌تیلیش جریانی سُست‌لیگیدن شکایت قیلیب و ایتیشلریچه، مذکور ولایت‌ده سوو تاشقین‌لری یوز بیرگنی‌دن نیچه کون اوتگنی بیلن یالغیز چادر و نیچه ته ایدیش قولگه کیلتیرگنلر.
تشکان تومنی یشاوچیسی لطف‌الله نینگ ایتیشیچه، اوشبو تومن یشاوچیلری کوپراق یاردم گه محتاج بولسه‌ده؛ لیکن اولر حاضرگچه دستلبکی یاردم‌لر ییتیشگن.
بیزلرنینگ «ایکس» ترماغی ده هم تعقیب قیلینگ!
اونینگ کوپه‌یتیریشیچه: «چادر و بیران نرسه شامل کوپ ابتدایی یاردم‌لر دیر. یالغیز «دودگه» قیشلاغی گه ییتیشگن و کوپینچه خوف بیلن روپه‌ره بولگنلری بیرحالده؛ باشقه قیشلاقلر گه هیچ قنده‌ی یاردم ییتیشمه‌گن.»
تشکان تومنی یشاوچیلریدن باشقه بیری عبیدالله نینگ ایتیشیچه، سوو تاشقینی‌دن زیان کورگنلر دایمی باش‌پنه گه نیازلری بار.
اونینگ کوپه‌یتیریشیچه: «اوی گه نیازیمیز بار؛ حاضر اوی توزه‌تیش گه هم جای یوق. اوزیمیز گه باش‌پنه قوریش گه کوچی‌میز ییتیشمه‌یدی. بو توغریده دولت نینگ یاردم بیریب و بیزلر گه اوی قوریشی کیره‌ک. زیان کورگنلردن کوپ قطاری حیات کیچیریش اوچون جای‌لری یوق و مغاره‌لر گه کیتدیلر.»
شونینگدیک کوهستان تومنی یشاوچیلریدن رستم‌محمد نینگ ایتیشیچه، مذکور تومن یشاوچیلری حاضرگچه یاردم قولگه کیلتیرمه‌گنلر.
اونینگ کوپه‌یتیریشیچه: «دولت بیزلر گه هیچ نرسه بیرمه‌گن و هیچ یاردم صورت تاپمه‌گن؛ دولت اوزاق منطقه‌لر یشاوچیلری گه توجه قیلمه‌گن.»
باشقه بیر تاماندن، بدخشان طبیعی آفت‌لرنی باشقریش ایشلری بوییچه دولت وزیرلیگی آمری محمد کامگار نینگ ایتیشیچه، اولر مذکور ولایت نینگ بیر قطار تومن‌لری گه آزیق-آوقت محصولاتی بیلن بیر قطار نرسه یاردم بیریب و برچه زیان کورگنلر گه یاردم بیریش گه سعی‌وحرکت قیلماقده‌لر.
بیزلرنینگ فیسبوک صحیفه‌میزگه باش اورینگ!
اونینگ کوپه‌یتیریشیچه: «حادثه‌لر ریاستی و همکار موسسه‌لریمیز نینگ امکانیت‌لری جمله‌دن آزیق-آوقت محصولاتی، چادر و کییم-کیچک کبی نرسه‌لر نی انتقال بیردیک. بوگون تشکان تومنی‌ده ترقه‌تیلیش نینگ دوامی بار. ییتی تیمی‌میز باشقه تومن‌لرده تیکشیرماقده‌لر که یشش اوی‌لر، چاروه‌لر، ایکینچیلیک و باغ‌لر گه ییتیشگن زیانلرنی قولگه کیلتیره آلسه‌ک.»
بدخشان طبیعی آفتلر نی باشقریش ریاستی نینگ آماری اساسیده، سونگی نیچه کون جریانیده اوشبو ولایت‌ده یوز بیرگن سوو تاشقین‌لرده ایکی کیشی اولیب و باشقه اوچ کیشی یوقالگن. بولر گه علاوه، ۵۴۵ یشش اوی، بیرمینگ ۷۳۱ جریب ییر و ایکی مینگ ۴۰۰ باش چاروه تلف بولگن.
