بدخشان ده محلی مسئوللر، اوشبو ولایت یاوان تومنیده توپراقلی بیر تیپهنینگ قولشی عاقبتیده، اوچ کیشی اولیب و بیر کیشی یرهلنگنیدن خبر بیرگنلر.
بدخشان معلومات و مدنیت ریاستی اطلاعات آمری حکمتالله محمدینینگ ایتیشیچه، اوشبو واقعه بوگون ایرتهلب (۸-ثور، دوشنبه)، یاوان تومنینینگ «پتاب» قیشلاغیده یوز بیرگن.
بیزلرنینگ «ایکس» ترماغی ده هم تعقیب قیلینگ!
جناب محمدیگه کوره، تیپهنینگ قولشی نتیجهسیده نقیبالله، شمسالله و سمیعالله اسملی کیشیلر اولیب و سیدعمر اسملی بیر کیشی ایسه یرهلنگن.
بدخشان معلومات و مدنیت ریاستی اطلاعات آمری، تیپهنینگ قولشی سببی توغریسیده دستلبکی تدقیقاتلر باشلنگنینی بیان قیلیب و کوپهیتیریشیچه، بو واقعهنینگ انیق شکلده تیکشیریلیشی مقصد سعیوحرکتلر باشلنگن.
بیزلرنینگ فیسبوک صحیفهمیزگه باش اورینگ!
یاوان، بدخشان ولایتینینگ تاغلی تومنلریدن بیری بولیب و هر ییلی بو کبی واقعهلر گه گواه بولهدی.
