«سیب رخش» فرهنگی فیستیوالی اوتگن کونی (سه‌شنبه، ۱۴ سرطان)، بدخشان مرکزی و تومن‌لریده‌گی اونلب شاعر، یازووچی نینگ حضوری بیلن اوشبو ولایت نینگ بهارک تومنیده اوتکزیلدی.
«ایپسو» فرهنگی مؤسسه یاردمی بیلن بدخشان معلومات و مدنیت ریاستی تامانیدن اوتکزیلگن مذکور فیستیوال ده اشتراک ایتگنلر، شعر و مقاله اوقیش بیلن اوز تویغولرینی بیان قیلدیلر.
بیزلرنینگ فیسبوک صحیفه‌میزگه باش اورینگ!
بدخشان معلومات و مدنیت باشلیغی معزالدین احمدی نینگ ایتیشیچه، اسلامی امارت شاعرلر و ادیب‌لر گه خاص حرمت قائل و هردایم بو گَل دستورلر اوتکزیلیشیدن حمایت قیله‌دی.
او بدخشان‌لیک شاعرلر و ادیب‌لردن، اوشبو ولایتده فرهنگ ساحه‌سیده‌گی قشاق‌لیکنی کمه‌یتیریش مقصدیده بدخشان معلومات و مدنیت ریاستی بیلن همکار بولیش‌لرینی طلب قیلدی.
عین‌حالده، بدخشان ده ایپسو فرهنگی مؤسسه نماینده‌سی مطیع‌الله مهیاد نینگ ایتیشیچه، اوشبو فیستیوال اوتکزیلیشیدن یگانه مقصد، محل یشاوچیلری نینگ بار امکانیت‌لری گه حرمت قیلیش، فرهنگی‌لرنی بیر ییرده توپلش و ایسکی شعرلرنی تیریک اسره‌ش دیر.
بیزلرنینگ توییترده هم تعقیب قیلینگ!
بهارک تومنی اولسوالی حیات‌الله گه کوره، شاعرلر و ادیب‌لر اسلامی جامعه ترقیاتی اوچون تاثیرچن بولیش‌لری ممکن.
«سیب رخش» فرهنگی فیستیوالی، بدخشان شاعرلری و ادیب‌لری ارا مخصوص اورین گه ایگه. بدخشان مرکزی و تومن‌لریده‌گی شاعرلر و یازووچیلر اوشبو فیستیوال ده اوز شعر و مقاله‌لرینی اوقیب اوز تویغو و احساس‌لرینی بیان قیلدیلر.
