بدخشان ده اسلامی امارت مسئوللری نینگ سلام‌وطندار گه ایتیش‌لریچه، سونگی ایکی کون جریانیده یوز بیرگن سوو تاشقین‌لر و تاغ سیلجیشی نتیجه‌سیده، کشم، بهارک، جرم، شهربزرگ،ارگو، یاوان و بدخشان ولایتی نینگ مرکزیده‌گی یشاوچیلر گه کوپینچه مالی و جانی زیان ییتیشگن.
بدخشان معلومات و مدنیت ریاست رئیسی معزالدین احمدی نینگ سلام‌وطندار گه ایتیشیچه، طبیعی آفت‌لر، اهالی گه کوپینچه مالی و جانی زیان ییتیشتیرگن.
بیزلرنینگ فیسبوک صحیفه‌میزگه باش اورینگ!
جناب احمدی نینگ کوپه‌یتیریشیچه، بدخشان نینگ ۶ تومنی ده یوز بیرگن سوو تاشقین‌لر باعث، اونلرچه قیشلاغ تخریب بولیب و یشاوچیلر گه کوپینچه مالی زیان ییتیشگن. اونگه کوره، مذکور طبیعی آفت‌لر نتیجه‌سیده، شهربزرک تومنیده ۱۲ یاشر بیر قیز هلاک بولیب و نیچه کیشی ایسه یره‌لنگن.
جناب احمدی نینگ ایتیشیچه، مذکور سوو تاشقین‌لر نتیجه‌سیده، اهالی نینگ مینگلرچه باغ و ییرلری اورته‌دن کیتیب و اهالی گه کوپینچه زیان ییتیشگن. او، دنیا جماعه‌‌دن بدخشان ولایتی‌ده‌گی سوو تاشقین‌لرده زیان کورگنلر گه تیزلیککه یاردم بیریش‌لری نی ایسته‌یدی.
باشقه بیر تامان‌دن، بدخشان ولایتی کشم تومنی قومندانی نینگ ایتیشیچه، اوشبو تومن نینگ پلیران قیشلاغیده یوز بیرگن سوو تاشقین‌لر و تاغ سیلجیشی نتیجه‌سیده، ۲۰۰دن آرتیق یشش اوی تخریب بولگن.
بیزلرنینگ توییترده هم تعقیب قیلینگ!
سوو تاشقین‌لردن زیان کورگنلردن بی‌بی گل و زرمینه نینگ ایتیش‌لریچه، سوو تاشقین‌لرده بوتون نرسه‌لری نی قولدن بیرگنلر و حاضر ایسه یامغیر آستیده قالگنلر. شونینگدیک بی‌بی گل و زرمینه نینگ ایتیش‌لریچه، اولر گه هیچ بیر نرسه یاردم بیریلمه‌گن. اولر اسلامی امارت حکومتی و دنیا جماعه‌سیدن عاجل یاردم بیریلیشی نی سوره‌یدیلر.
بدخشان ولایتی تاغ‌لی بولگنی باعث، هر ییل تیز یامغیز و سوو تاشقین‌لر گه شاهد دیر که نتیجه‌ده اوشبو ولایت نینگ یشاوچیلری گه کوپینچه خساره ییتیشتیره‌دی.
