اسلام امیرلیگی صناعت و سودا وزیرلیگی سرپرستی نورالدین عزیزی، بوگون (۲-ثور، سهشنبه) پایتخت کابلده قزاق-افغان سودا مجموعهسیده، افغانستانده اسلام امیرلیگینینگ ایکّینچی مرته قدرت گه قیتیشی بیلن، بو مملکت و قزاقستان اورتهسیده سودا حجمی ۳۲ فایز گه آشگنینی معلوم قیلگن.
صناعت و سودا وزیرلیگی سرپرستی گه کوره، بو وزیرلیک ایکّی مملکت اورتهسیده هر ییلی سودا حجمینی اوچ میلیارد دالر گه آشیریش اوچون سعی-حرکت قیلماقده.
بیزلرنینگ فیسبوک صحیفهمیزگه باش اورینگ!
عینحالده، اوشبو سودا مجموعهسیده قزاقستان باش وزیرینینگ اورین باسری سریک ژومانگارین، مملکتی رواجلنگن افغانستاننی حمایه قیلهدی و کونسهیین تورلی ساحهلر اینیقسه اقتصاد و سودا بوییچه بو ایکّی مملکت اورتهسیدهگی مناسبت مستحکملشماقدهلیگینی بیلدیرگن.
قزاقستان باش وزیری اورین باسرینینگ کوپهیتیریشیچه، مملکتی تیمیر یول، ترانسپورت، لوژستیک، ایکینچیلیک، تکنالوژی، کان، ساغلیق و باشقه بولیملرده افغانستان بیلن همکارلیک قیلیش گه تیار دیر.
بیزلرنینگ «ایکس» ترماغی ده هم تعقیب قیلینگ!
قزاقستان باش وزیرینینگ اورین باسری، اوتگن کون دولت و اقتصادی ییریک هیئت باشچیلیگیده، قزاق-افغان سودا مجموعهسینی اوتکزیش و ایکّی مملکت اورتهسیده اقتصادی و سودا همکارلیکلرنی کېنگهیتیریش مقصدی بیلن کابل گه تشریف بویردی.
قزاق-افغان سودا مجموعهسی، بوگون ایکّی مملکت دولت مسئوللری و خصوصی سکتور وکیللرینینگ حضوری بیلن باشلنگن. بو مجموعهده، سوداگرلیک، سرمایه یاتقیزیش و ترانزیت ساحهلریده همکارلیک قیلیش مسئلهلری حقیده بحث اېتیلهدی.
