افغانستان‌نینگ حاضرگی شرایطی‌ده عیاللرگه ایش‌ساحه‌لریدن قطاریده ایشلش تقیق‌لنگنی بیرحالده، ایکینچیلیک عیاللر‌نینگ فعال بیر شکلده ایشله‌یدیگن ساحه‌لریدن بیری دیر.
افغانستان‌نینگ تورلی ولایت‌لریده، دایم ایرککلر یانیده عیاللر هم ایکین‌زارلرده ایشلب، ایکینچیلیک‌نینگ یالغیز ایرککلر اوچون ایمس، بلکیم بو توغریده عیاللر‌نینگ ایشله‌آلیشی‌نی کورسته‌دیلر.
قیین کونلرنی کیچیریش بیلن ینه هم افغاستان ده عیاللر اوچون فعالیت قیله‌دیگن مذکور عیاللردن بیری، ممتاز یوسف‌زی‌نینگ ایتیشیچه، ییرگه هر بیر دانه‌نی ایکیش بیلن افغانستان‌لیک عیاللرگه امید یره‌تیش مقصد سعی‌وحرکت قیله‌دی.
بیزلرنینگ فیسبوک صحیفه‌میزگه باش اورینگ!
روان‌شناسلیک بولیمی‌دن فارغ بولگن ممتاز، ایکینچیلیک بولیمی‌ده عیاللر‌نینگ ایشلشی‌گه جوده‌یم قیزیقه‌دی. اونینگ کوپه‌یتیریشیچه، ۲۰۱۸-ییل‌ده دهقان عیاللرگه بیر جای یره‌تیش‌گه قرار آلیب و کوپینچه سعی‌وحرکت بیلن «ایکینچی عیاللر بیرلشمه‌سی» نی قوریش‌گه موفق بولگن.
ممتازگه کوره: «۲۵ ییل‌دن کوپراق افغانستان‌لیک عیاللر و باله‌لر بیلن ایشله‌گن‌مین. ۲۰۰۹-ییل‌دن بویان ایکینچیلیک عملی ایشلری‌گه حصه قوشگن‌مین. قیلگنیم سروی اساسیده عیاللردن کوپ قطاری تورلی‌خیل سبزه‌وات، میوه و باشقه بیر قطار نرسه‌نی ایکیش بیلن شغللنگن. نهایت بو عیاللرنی بیرجای‌گه ییغیش‌‌گه قرار آلدیم.»
ممتاز یوسف‌زی، عیاللر اینیقسه مملکت اوزاق قیشلاقلریده‌گی عیاللر ییغیلیشی‌نینگ قوله‌ی بیر ایش ایمس‌لیگی‌نی بیان قیلیب، جمعیت‌ده‌گی عنعنه و عرف-عادت‌لرنی عیاللر‌نینگ بیر ییرگه ییغیلیشی برابریده توسیق و دهقان عیاللر ییغیلیشی توغریسیده‌گی قیین‌چیلیکلردن بیله‌دی.
ممتازگه کوره، حاضر ایسه افغانستان ده ایکینچیلیک بیلن شغللنگن ۴ مینگ ۵۰۰ عیال، مذکور بیرلشمه اعضاسی بولیب و یالغیز کابل ده ۵۰۰دن آرتیق عیال بو ییرده فعالیت قیله‌دی.
ایکینچی عیاللر بیرلشمه‌سی‌نینگ حاضر افغانستان ۲۶ ولایتی‌ده فعالیتی بار. «ایکینچی عیاللر بیرلشمه‌سی ۲۰۱۸-ییل‌ده ایکینچیلیک وزیرلیگی و بو وزیرلیک‌نینگ عایله‌لر اقتصادی ریاستی یاردمی بیلن قوریلیب و اوشه وقت‌دن بویان، ۲۶ ولایت‌ده فعالیتیمیز بار. مملکتی‌میز‌نینگ شرایطی‌ده عیاللر اینیقسه قیشلاق‌لرده‌گی عیاللرنی ییغیش قوله‌ی بیر ایش ایمس. عنعنه‌لر و عرف-عادت‌لر رخصت بیرمه‌یدی که عیاللر بیر ییرگه ییغیلسه و بیزلر بو ایش‌نی انجام بیردیک. قریب ۴ مینگ ۵۰۰ عیال بو بیرلشمهگه اعضا دیر. یالغیز کابل ده ۵۰۰دن آرتیق عیال اوشبو بیرلشمهگه اعضا بولیب و ایکینچیلیک ایشلری بیلن شغللنگن.»
ممتاز یوسف‌زی‌نینگ سعی‌وحرکتی بیلن قوریلگن ایکینچی عیاللر بیرلشمه‌سی، ایکینچیلیک حوزه‌سیده عیاللرگه تورلی‌خیل تعلیم‌نی کورسته‌دی. مذکور بیرلشمه باشلیغی‌گه کوره، بو آدرس نشانی‌سیدن دهقان عیاللر یاردم بیرووچی نهادلر بیلن باغلنه‌دی. شونینگدیک اوی باغچه‌لری یره‌تیلیشی، کیمیایی کود‌لر تیکشیریلیشی و ایکینچیلیک اوروغ‌لر توغریسیده رهنمالیک بوله‌دی.
یوسف‌زی‌نینگ کوپه‌یتیریشیچه: «بو بیرلشمه عیاللر گه ایکینچیلیک ساحه‌سیده تعلیمی خذمتلرنی یره‌تیب و اولر‌نی یاردم بیرووچی نهادلر بیلن باغله‌یدی. شونینگدیک اوی باغچه‌لرینی یره‌تیش توغریسیده هم عیاللر گه ایشله‌یدی. ایکینچیلیک اوروغ‌لر و کیمیایی کودلرنی تیارلب و ایکینچیلیک فعالیتلری ساحه‌سینی هم تیکشیره‌دی که قیسی تور اوروغ‌گه مناسب دیر. ایشی‌میز قیشلاق‌ده‌گی عیاللر اوچون دیر.»
بیزلرنینگ «ایکس» ترماغی ده هم تعقیب قیلینگ!
ممتاز یوسف‌زی‌نینگ ایشانچی‌گه کوره، هر بیر عیال باشقه بیر عیال وضعیتی یخشی‌لنیشی اوچون قولی‌ده‌گی امکانیتلر بیلن عملی آدیم آلیش کوچی‌گه ایگه دیر.
ایکینچیلیک، سووغاریش و چاروه‌چیلیک وزیرلیگی‌نینگ ایکینچیلیک سکتوری‌ده عیاللر ترقیاتی خصوصیده‌گی بو وزیرلیک برنامه‌لری‌گه تیگیشلی فکری‌نی آلیش ایسته‌دیک؛ بیراق بو وزیرلیک مسئوللری بو توغریسیده جواب قیترمه‌دیلر.
کون اوتیشی بیلن افغانستان ده‌گی عیاللر ایشی برابریده چیکلاولر کوپه‌یشی بیرحالده، ممتاز کبی عیاللر کوچلی اراده بیلن فعالیت‌لری‌گه دوام بیریب و افغانستان‌لیک باشقه عیاللرگه امید یاختیلیگی‌نی یره‌ته‌دیلر.
