خاتین قیزلر نینگ جلب قیلیش و ایریم بیلیم یورت طلبه‌لری نینگ میدیا ایشلری بوییچه توانالیکلریدن فایده‌لنیش، ایجادی غایه‌لرینی قوللب_قوتلش مقصدیده، سلام افغانستان میدیا مؤسسه‌سی (سلام‌وطندار رادیوسی) و افغانستانده یونسکو نینگ نماینده‌لیگی، قوشمه علمی همکارلیک‌نی باشله‌گنلر.
اوشبو آلتی آی‌لیک برنامه دن مقصد، خاتین قیزلر نینگ خبرنگارلیک مهارت‌لرینی آشیریش و میدیالرده اولر گه ایش فرصت‌لرینی یره‌تیش دیر.
خبرنگارلیک فاکولته‌سیدن سندلری بولیشی، اوشبو بولیمده طلبه بولیشی و شونینگدیک میدیالرده ایشلش‌گه قیزیقیشی، سلام‌وطندار نینگ خاتین قیزلرنی مذکور برنامه ده ایش اورگه‌نیش اوچون جذب قیلیش شرط‌لریدن سنله‌دی.
کیره‌کلی مهارت‌لرنی تیکشیریش و سیناو اوتکزیلیشیدن کیین، ایش اورگه‌نووچی عیاللر سلام افغانستان میدیا مؤسسه‌سی (سلام‌وطندار رادیوسی) ده خبرنگارلیکنی مسلکی اورگه‌نیش دستوری گه شامل بولیش‌لری ممکن.
سلام افغانستان میدیا مؤسسه‌سی (سلام‌وطندار رادیوسی) خبرچی عیاللر نینگ کیره‌کلی مهارت‌لرینی تیکشیریش و اولردن تست آلیشیدن کیین، اولر گه خبرنگارلیکنی مسلکی شکلده اورگه‌نیش شرایطینی یره ته‌دی.
اوشبو دستور ده گزارش یازیش، رادیویی برنامه‌لرینی تیارلش و تولید قیلیش وتخنیکی بولیم‌لر اورگه تیله‌دی، برنامه یکونیدن کیین، اولرگه سلام افغانستان میدیا مؤسسه‌سی و افغانستانده یونسکو نینگ نماینده‌لیگی تامانیدن، آلقیش‌نامه توزیع بوله‌دی.
