افغانستان اسلامی جمعیت حزبی نینگ اجرایی باشلیغی، مملکتده امنیتی وضعیت یخشی‌لنمه‌گنی صورتده، ایکینچی مقاومت شکل آلیشی ممکن‌لیگی نی بیلدیرگن.
بوگون “پنجشنبه” اسلامی جمعیت حزبی نینگ اجرایی باشلیغی عطامحمد نور نینگ بلخ ده افغانستان یازووچیسی رهنورد زریاب دن یادلش اوچون یولگه قوییلگن ییغینده صحبت اوتکزیب ایتیشیچه، مملکتده وضعیت یمان بولماقده و چیت‌ایللیک جنگری‌لری مملکت شمالی ولایت‌لریده جایلشگن.
جناب نور نینگ ایتیشیچه، بوندن تورت ییل آلدین اورته آسیا عصیانچی‌لری نینگ ۱۲ عایله‌سی وزیرستان دن بدخشان ولایتی‌گه کیلگنیدن ملی بیرلیک حکومت رهبرلرینی آگاه‌لنتیرگن ایدی، لیکن ملی بیرلیک حکومتی نینگ رهبرلری اونینگ سوزلریگه اهمیت بیرمه‌گن، بیراق حاضر بوتون شمالی ولایت‌لرنی ناتینچ قیلگنلر.
جناب نورنینگ حکومت رهبرلریگه خطاب ایتیشیچه، اگر ده وضعیت‌نی مدیریت قیله آلمه‌سنگیز، جهادی رهبرلر مردمی کوچلری بیلن ایش قیلیشی‌نی سوره‌گن.
عطا محمد نور تینچ‌لیک جریانی‌نی بیرینچی اورین گه قرار بیریب، لیکن اوشبو جریان نی بوزه دیگنلر برابریده ایکینچی مقاومت باشله‌نیشی ممکن دیدی.
او، حکومت نینگ ایشلریدن جدی صورتده تنقید ایتیب، حکومت ایچیده بولگن قطار کیشی‌لر خوفسیزلیک میثاقی بهانه سی بیلن اولکه نینگ شخصیت‌لرینی اولدیریش گه باشله گن.
افغانستان اسلامی جمعیت حزبی اجرائیه باشلیغی نینگ ایتیشیچه، اولکه نینگ خوفسیزلیک وضعیتی خواطرلنتروچی بولگن و هیچ کیم راحت نفس آلیشده قادر ایمس.
سونگی آی‌لرده افغانستان ولایت‌لری اینیقسه پایتخت ده هدف‌لی ترورلر رقمی آرتگن بیرحالده اسلامی جمعیت حزبی نیگ اجرائیه باشلیغی اوشبو سوزلرنی بیان ایتگن.
اینگ سونگی مورده اوتگن کونی افغانستان ایرکین و عادلانه سیلاولر جمغرمه‌سی نینگ باشلیغی محمد یوسف رشید ایش دفتری تامان کیتیب باره‌دیگن حالده ناتانیش قورالی کیشی‌لر تامانیدن اولدیریلگن.