غزه کسلخانهلریدهگی منبعلرنینگ ایتیشلریچه، اوتگن ۲۴ ساعتده نوار غزه بویلب اسرائیل کوچلرینینگ اویوشتیرگن هوا و ییر هجوملری نتیجهسیده، کمیده ۴۵ فلسطینلیک قربان بولگن.
الجزیره ترماغینینگ بوگون ایرتهلب (۲۱-سرطان، شنبه)، گزارش بیریشیچه، قربان بولگنلردن ۱۱ تهسی انسانسیورلیک یاردملرنی قولگه کیلتیریش مقصد توختهگنلری پیتده، اسرائیل کوچلری آرقهلی اوققه توتیلگنلر.
بیزلرنینگ فیسبوک صحیفهمیزگه باش اورینگ!
بیرلشگن ملتلر تشکیلاتی انسان حقلری عالی کمیسارلیگی ادارهسینینگ اعلام قیلیشیچه، حاضرگچه انسانسیورلیک یاردملر ترقهتیلیشی چاغیده یا-ده یاردم ترقهتیلهدیگن جای یقینیده اسرائیل کوچلری آرقهلی اوققه توتیلیش سبب، قریب ۸۰۰ فلسطینلیک قربان بولگن.
غزهنینگ بوتونلی محاصره بولگنی بیر وضعیتده تینچاهالینینگ اوققه توتیلیشی، خلقارا جدی عکسالعمللر و بیرلشگن ملتلر تشکیلاتینینگ قتیق تنقیدی بیلن روپهره بولگن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتینینگ فلسطینلیک آوارهلرگه یاردم بیریش و ایش بیلن تامینلش آژانسی (UNDWA)، باشلیغی فیلیپ لازارینیگه کوره، اسرائیل غزهنی «بالهلر و آچ اهالی اوچون بیر قبرستان» گه اوزگرتیرگن.
فلسطین ساغلیقنی سقلش وزیرلیگینینگ ایتیشیچه، اسرائیل و حماس آرهسیده اوروش باشلنگنیدن بویان، ۵۷ مینگ ۷۶۲ فلسطینلیک قربان بولیب و ۱۳۷ مینگ ۶۵۶ کیشی یرهلنگن.
