اسلام امیرلیگی ساغلیقنی سقلش وزیرلیگی، افغانستان بویلب قیزهمیققه قرشی ایملش کمپاینی باشلنگنینی معلوم قیلگن.
ساغلیقنی سقلش وزیرلیگی سوزلاوچیسی شرافتزمان امرخیل، بوگون (پنجشنبه، ۱۰-میزان)، اکس صحیفهسیده بیر بیانیه آرقهلی یازیشیچه، مذکور کمپاین ایکی باسقیچده عملگه آشیریلهدی.
ساغلیقنی سقلش وزیرلیگی مسئوللری، واکسیناسیوننینگ درست شکلده عملگه آشیریلیشی مقصد، دین عالملری و یشاوچیلردن ساغلیقنی سقلش گروهلری بیلن همکارلیک قیلیشلرینی ایستهگن.
مذکور برنامه، قیزهمیق کسللیگی ترقهلیشی آلدی آلینیشی و بالهلر ساغلیگی سقلهنیشی مقصد، عملگه آشیریلهدی.
قیزهمیق یوقمه بیر کسللیک بولیب و علایملری ایسه، ایسیتمه، یوتل، ریزش، کوزلر و تیری اوستی قیزهریشیدن عبارت دیر. اوشبو کسللیک جدی عاقبتلرگه ایگه بولیب و حتا اولیمگه سبب بوله آلهدی.
