ایران جمهورلیک ریاستی سیلاوی نینگ نتیجه‌سی اعلام بولیشی بیلن بیرگه، اوشبو سیلاو ایکّینچی باسقیچ گه کېتگن.
ایران یېتکرمه‌لری بوگون (۹سرطان-شنبه) مذکور مملکت نینگ ایچکی ایشلر وزیرلیگی سیلاو ستاد سۉزلاوچیسی دن نقل قیلیب، بو مملکت نینگ جمهورلیک ریاستی سیلاوی نهایی نتیجه‌سینی اعلام بولگنینی اېتگنلر.
معلومات‌لر گه کوره، سیلاو گه نامزدلردن هېچ بیری بیلگی‌لنگن آوازنی قولگه کیرته آلمه‌گنی اوچون، سیلاو ایکّینچی باسقیچ گه کېتگن.
بیزلرنینگ فیسبوک صحیفه‌میزگه باش اورینگ!
ایران جمهورلیک ریاستی سیلاوی نینگ بیرینچی باسقیچی ده مسعود پزشکیان ۱۰ میلیون ۴۱۵ مینگ ۱۹۱ آواز آلیب و سعید جلیلی دن قریب بیر میلیون آواز کوپراق آلیش بیلن بیرینچی اۉرینده قرار تاپگن.
ایران ایچکی ایشلر وزیرلیگی سیلاو ستاد سۉزلاوچیسی محسن اسلامی، بو مملکت جمهورلیک ریاست سیلاوی نتیجه‌سینی اعلام قیلدی. اونگه کوره، سیلاو گه ایران بویلب ۲۴ میلیون ۵۳۵ مینگ ۱۸۵ کیشی آواز بیرگن که ۴۰ فایزنی تشکیل بیره‌دی.
مسعود پزشکیان: ۱۰.۴۱۵.۱۹۱ آواز
سعید جلیلی: ۹.۴۷۳.۲۹۸ آواز
محمدباقر قالیباف: ۳.۳۸۳.۳۴۰ آواز
مصطفی پورمحمدی: ۲۰۶.۳۹۷ آواز
بیزلرنینگ «ایکس» ترماغی ده هم تعقیب قیلینگ!
ایران سیلاو ستاد سۉزلاوچیسی گه کوره، بو مملکت جمهورلیک ریاستی سیلاوی گه نامزدلردن هېچ بیری بیلگی‌لنگن آوازنی قولگه کېرته آلمه‌گن، شونی اوچون سیلاو گه اېنگ کوپ آواز آلگن بیرینچی و ایکّینچی کیشی‌لر، سیلاو ایکّینچی باسقیچی گه رقابت قیله‌دیلر.
ایران جمهورلیک ریاستی سیلاوی ایکّینچی باسقیچی، اوشبو آی ۱۵ سرطان ده اۉتکزیلیشی ریجه‌لشتیریلگن.
ایتیش کېره‌ک، اوشبو مملکت جمهورلیک ریاستی سیلاوی ۸-سرطان، جمعه کونی ایران بویلب میلیون‌لرچه کیشی نینگ اشتراکی بیلن بولیب اوتدی.
