قزاقستاننینگ «آقتاو» شهریده اۉتکزیلگن خلقارا «تورکسوی» تشکیلاتی دایمی کینگشینینگ ۴۲-ییغیلیشیده اۉزبېکستاننینگ اندیجان شهری، میلادی ۲۰۲۶-ییل اوچون تورکی دنیانینگ مدنیت پایتختی دیب اعلان قیلیندی.
۷-قوس/۲۸-نومبر، جمعه کونی قزاقستاننینگ آقتاو شهریده اۉزبېکستان، قزاقستان، تورکمنستان، آذربایجان، قرغیزستان و تورکیهنینگ مدنیت وزیرلری و رسمی وکیللری اشتراکیده اۉتکزیلگن ییغیلیشده بوندهی قرار قبول قیلینگن.
شو بیلن بیرگه، اوشبو ییغیلیشده، تورکسوی تشکیلاتینینگ میلادی ۲۰۲۵-ییلدهگی فعالیتی تحلیل قیلینگن، و میلادی ۲۰۲۶-ییل گه مولجللنگن تدبیرلر ریجهسی همده مدنی علاقهلرنی مستحکملش مسئلهلری محاکمه ایتیلگن.
شونینگدیک تورکی دولتلر تشکیلاتی «تورکسوی»نی رواجلنتیریش و مستحکملش توغریسیدهگی مسئلهلر گه علیحده تأکیدلب اوتگن.
تورکسوی تشکیلاتی قراریگه بناً، بو مقام گه ایگه شهرده بیر ییل دوامیده تورلی مدنی تدبیرلر و فیستیواللر اۉتکزیلهدی.
