بدخشان ده محلی منبع‌لر نینگ ایتیشلریچه، اسلام امیر‌لیگی کوچلریدن بیری، کوکچه دریاسیده سوزیش چاغیده، دریا گه چوکیب هلاک بولگن.
منبع‌لر گه کوره، اوشبو واقعه اوتگن کون (جمعه، ۲۷-اسد)، توش‌دن کیین، بدخشان مرکزی فیض‌آباد شهری یقینلیگیده‌گی خمچان ساحه‌سیده یوز بیرگن.
بیزلرنینگ توییترده هم تعقیب قیلینگ!
منبع‌لر نینگ کوپه‌یتیریشلریچه، اسلام امیر‌لیگی نینگ اوشبو عضوی، بدخشان قماق‌خانه‌سیده ایشله‌ر ایدی.
باشقه بیر تامان‌دن، بدخشان امنیه قوماندانلیگی نینگ میدیالر دفتری، بیر خبرنامه ترقه‌تیش بیلن ایتیشلریچه، مذکور ولایت قماق‌خانه مسئوللریدن بیری نینگ جسدی، فیض‌آباد شهری نینگ «حلقه‌ی جر» ساحه‌سیدن تاپیلیب و کسل‌خانه گه انتقال بیریلگن دیر.
بیزلرنینگ فیسبوک صحیفه‌میزگه باش اورینگ!
خبرنامه‌ده کیلیشیچه، محمد‌اسلم اسملی اسلام امیر‌لیگی نینگ اوشبو عضوی، بدخشان ولایتی وردوج تومنی یشاوچیسی ایکن.
ایتیش کیره‌ک که، اوتگن ییل هم اسلام امیر‌لیگی کوچلریدن ایکی ته‌سی، غزنی نینگ اندر تومنی «سرده توغانی»ده سووزیش چاغیده، چوکیب و هلاک بولگن ایدیلر.