اوتگن کون شنبه، ۲۴ جدی، اسلام امیرلیگی تشقی ایشلر وزیرلیگی نینگ سرپرستی امیرخان متقی، نیچه کون آلدین تشقی ایشلر وزیرلیگی یقینیده اویوشتیریلگن پارتلش عاقبتیده اوشبو وزیرلیک نینگ قربان بولگن ایشلاوچیلری نینگ فاتحه اوقیش مراسمیده نطق سوزلب ایتیشیچه، افغانستان ده حاضرگی برچه قیینچیلیک‌لر عاملی خارجی‌لر و باسقینچی‌لر دیر.
جناب متقی گه کوره: «همه جای ده غم‌سیزلیک و آرام‌لیک دیر. حاضرگی قیینچیلیک‌لر عاملی ظالم‌لر و باسقینچی‌لر دیر که اوتگن ۲۰ ییل ده اهالینی اولدیرر ایدیلر. او زمان باروت، بمب و اوچاق بیلن اولدیرر ایدی حاضر آچ‌لیک بیلن.»
بیزلرنینگ فیسبوک صحیفه‌میزگه باش اورینگ!
بیلیم یورت اوقیتووچیسی و خلق‌ارا مسئله‌لر تدقیقاتچیسی سیدشفیق‌الله سادات گه کوره، امنیت و عمومی تینچ‌لیکنی تأمین ایتیش هر بیر مملکت ده دولت‌لر نینگ اصلی وظیفه‌سی دیر، بیراق اسلام امیرلیگی گه علاوه، امریکا و دنیا همجمعیت افغانستان ده حاضرگی وضعیت عاملی دیر.
اونینگ سلام‌وطندار گه ایتیشیچه: «حکومت نینگ وظیفه‌لریدن بیری نظم، امنیت و تینچ‌لیک تأمینلش دیر. بوتوغریده اسلام امیرلیگی نینگ رفتاری توغری می؟ اسلام امیرلیگی اوز وظیفه‌سینی اساسی روشده بجرمه‌گن. اسلام امیرلیگی کوپراق حاضرگی وضعیت عاملی بولیشی ممکن؛ بیراق امریکا و دنیا همجمعیت هم بو وضعیت عاملی حسابلنه‌دی.»
باشقه تاماندن، سیاسی فعال جمعه‌خان پویا گه کوره، افغانستان ده حاکم حکومت‌لر هردایم چیت ایل مملکت‌لرنی موجود وضعیت عاملی بیله‌دیلر.
او بوتوغریده ایتیشیچه: «افغانستان ده حاکم حکومت‌لر چیت ایل مملکت‌لرنی موجود وضعیت عاملی بیله‌دیلر. یشاوچیلر نینگ امنیت و اساسی حقوقینی تأمینلش حکومت‌لر نینگ ایشی دیر. دنیا همجمعیت انسان پرورلیک یاردم‌لرنی سیاسی قیلمه‌گن دیب اویله‌ی من.»
بیزلرنینگ توییترده هم تعقیب قیلینگ!
ایتیش کیره‌ک که، بوندن آلدین اقتصاد وزیرلیگی مسئوللری، خارجی تشکیلات‌لر افغانستان نینگ ایچکی قاعده‌لرینی رعایت قیلیب و انسان پرورلیک یاردم‌لرنی سیاسی قیلمسلیگینی ایتگن ایدیلر.
