اسلام امیرلیگی تشقی ایشلر وزیرلیگی مسئوللری، اوشبو وزیرلیک سرپرستی امیرخان متقی، رسمی بیر سفرده قطر گه باریب و اوشبو مملکت عملدارلری بیلن افغانستان و قطر اورتهسیدهگی مناسبتلر حقیده بحث اېتیشینی اېتگنلر.
تشقی ایشلر وزیرلیگی سۉزلاوچیسینینگ اورین باسری ضیااحمد تکل، بوگون (۸-ثور، دوشنبه) سلاموطندار بیلن اوتکزگن صحبتیده ایتیشیچه، متقی جنابلری قطرلیک همکسبی و باشقه عملدارلری بیلن سیاسی، اقتصادی و سودا علاقهلری حقیده بحث اېتیشی ممکن.
بیزلرنینگ فیسبوک صحیفهمیزگه باش اورینگ!
بو وزیرلیک سرپرستی اوشبو سفری دایرهسیده، افغانستاننینگ قطردهگی سوداگرلری و سرمایه یاتقیزووچیلری بیلن ملاقات قیلیشینی بیلدیرگن، تشقی ایشلر وزیرلیگی سۉزلاوچیسینینگ اورین باسری ضیااحمد تکل.
اونگه کوره، امیرخان متقی قطرده باشقه مملکتلرنینگ دیپلماتلریدن بیرقطاری بیلن اوچرهشووی ممکن.
بیزلرنینگ «ایکس» ترماغی ده هم تعقیب قیلینگ!
بیرلشگن ملتلر تشکیلاتی خوفسیزلیک کینگشی، ۷-ثور، یکشنبه کونی، امیرخان متقی اوچون بیر هفتهلیک سفر امتیازی بیریلگنینی معلوم قیلدی. بیرلشگن ملتلر تشکیلاتی خوفسیزلیک کینگشی تحریملری کمیتهسینینگ بیاناتیده، متقی جنابلری گه میلادی ۲۰۲۵-ییل، ۲۷-اپریل دن ۴ میگچه، قطر رسمیلری بیلن اوچرهشیش اوچون رخصت بیریلگنی قید اېتیلگن.
