امریکا جمهور باشلیغی دونالد ترامپ، اونلب مملکت اهالیسینینگ سفریگه چیکلاولرنی یرهتماقده.
رویترز آژانسینینگ گزارش بیریشیچه، اوشبو چیکلاولر اوچ بولیمگه بولینگن ۴۱ مملکت اهالیسینینگ سفریگه یرهتیلیشی ممکن.
بیزلرنینگ «ایکس» ترماغی ده هم تعقیب قیلینگ!
گزارش اساسیده، بیرینچی بولیمده ۱۰ مملکت جملهدن افغانستان، ایران، سوریه، کوبا و شمالی کوریا قرار تاپیب و مذکور مملکتلر اهالیسیگه امریکا ویزهسی مکمل شکلده توختهتیلهدی.
ایکینچی بولیمده اریتره، هائیتی، لائوس، میانمار و جنوبی سودان قرار تاپیب و اوشبو بیش مملکت مهاجرتی، تحصیل و سیاحتچیلیک ویزهسینی آلیش توغریسیده چیکلاولر بیلن روپهره بولیشلری ممکن.
شونینگدیک اوچینچی بولیمده ۲۶ مملکت جملهدن بلاروس، پاکستان و تورکمنستان بار که ۶۰ کونگچه قیینچیلیکلرنی حل قیلمهگنلری صورتده، بو مملکتلر اهالیسیگه امریکا ویزهسی توختهتیلهدی.
بیزلرنینگ فیسبوک صحیفهمیزگه باش اورینگ!
امریکا رسمیلرینینگ ایتیشلریچه، رویخطده بیر قطار اوزگریشلر کیلیشی ممکن و بو رویخط حاضرگچه اوشبو مملکت تشقی ایشلر وزیری مارکو روبیو آرقهلی تصدیقلنمهگن.
دونالد ترامپ، جمهورلیک ریاستینینگ بیرینچی باسقیچیده هم مملکتلر جملهدن مسلمانلر حیات کیچیرهدیگن مملکتلر اهالیسی سفریگه بو کبی چیکلاولرنی یرهتگن ایدی.
