رئال مادرید کلوبی، باش مربی ۴۴ یاشر ژابی آلانسو بیلن یوللرنی اجرهتیشگه قرار قیلدی.
سپورت ییتکرمهلرینینگ معلوماتیگه کوره، رئال مادرید جماعهسی اسپانیا سوپرکپ فینالیده بارسلونا برابریده ۳:۲ حسابی بیلن مغلوب بولگچ، ایکی تامان یوللرنی اجرهتگن.
معلوماتلر گه کوره، بو قرار ایکی تامانلمه کیلیشوو اساسیده قبول قیلینگن.
فینالدن سونگ صادر بولگن ایریم حالتلر آلانسونینگ رئال مادرید دهگی کیلهجگیگه جدی تأثیر کورستگن. خصوصاً جماعه ییتکچیلریدن بیری کیلیان امباپهنینگ اوشه اوییندن کیینگی خطی-حرکتی مربی بیلن مناسبتلر گه سایه سالگن.
معلوم قیلینیشیچه، ژابی آلانسو فینالدن کیین رقیب بارسلونا فوتبالچیلری اوچون قهرمانلیک یولَکچهسی تشکیل ایتیش طرفداری بولگن، او بونی سپورت قاعدهسی و حرمت بیلگیسی صفتیده کورگن. بیراق کیلیان امباپه بو تشبث گه کیسکین قرشی چیققن و جماعهداشلرینی میداننی ترک ایتیشگه چارلهگن. عینن شو حالت جماعه ایچیده قرمه-قرشیلیکلرنی کوچهیتیرگنی ایتیلماقده.
ایندی ایسه رئال مادرید نی کلوب تیزیمیگه یخشی تنیش بولگن متخصص – رئال مادرید کاستیا نی باشقریب کیلگن آلوارو آربلوا باشقرهدی. کلوب رهبریتی ینگی مربی بیلن برقرارلیک و جماعهوی روحنی تیکلش مقصد قیلگن. مخلصلر ایسه، رئال اوچون نوبتدهگی صحیفه قندهی آچیلیشینی قیزیقیش بیلن کوتماقده.
