ایچکی ایشلر وزیرلیگی مسئوللری نینگ ایتیش‌لریچه، البیرونی بیلیم‌یورت استادلری نینگ موتری ده یوزبیرگن پارتلش ده، ۴ کیشی جان بیرگن.
ایچکی ایشلر وزیرلیگی سوزلاوچیسی طارق آرین نینگ ایتیشیچه، پروان مرکزی چاریکار شهری نینگ ۷- خوفسیزلیک حوزه‌سیگه تیگیشلی «رباط» منطقه‌سیده یول چیککه‌سیده ییرلشتیریلگن ماین، البیرونی بیلیم‌یورت استادلری مینیلگن کاستر تیپلی موترنی هدف آلگن.
بیزلرنینگ فیسبوک صحیفه‌میزگه هم باش اورینگ!
ایچکی ایشلر وزیرلیگی سوزلاوچیسی نینگ کوپه‌یتیریشیچه، مذکور حادثه‌ده ۴ کیشی هلاک و باشقه ۱۱ کیشی ایسه یره‌لنگن. اونگه کوره، مذکور حادثه ده هلاک و یره‌لنگن کیشیلر البیرونی بیلیم‌یورتی نینگ طلبه‌لری و استادلری دیر.
شونده‌ی بیرحالده، مذکور موتر هیدواچیسی محمدفرید نینگ سلام‌وطندارگه ایتیشیچه، موتری ده البیرونی بیلیم‌یورتی نینگ کادری کسلخانه‌سینی طلبه‌لری، استادلری و داکترلری شامل ۱۸ کیشی موجود ایکن. اونگه کوره، ماین بیر درخت نینگ چیککه‌سیده ییرلشتیریلگن ایکن.
باشقه بیر تاماندن پروان ۱۰۰ یاتاقلی ملکی کسلخانه‌سی نینگ باش داکتری عبدالخلیل حیدری، نینگ سلام‌وطندارگه ایتیشیچه، حادثه محلی دن ۳ جسد و ۱۳ یره‌دار بو کسلخانه گه انتقال بیریلگن. یره‌دارلر آره‌سیده البیرونی بیلیم‌یورت رئیسی هم شامل دیر.
حادثه مسئولیتی نی حاضرگچه بیرار گروه یا-ده شخص بوینیگه آلمه‌گن.
