سوریهنینگ وقتینچهلیک جمهور باشلیغی احمد الشرع، بو مملکتده آزاد سیلاو اوتکزیلیشی و همهشمول حکومت شکللنیشی گه تأکید اېتگن.
سوریهنینگ وقتینچهلیک باشلیغی، بو سۉزلرنی ۱۵-دلو، دوشنبه کونی دمشقده اکونومیست هفتهلیگی بیلن اوتکزگن مصاحبهسیده بیان قیلگن.
احمد الشرع اوشبو سۉزلری داومیده، وزیرلر و پارلمان اعضالری «قوم و مذهب» اېمس بلکه بیلیملری اساسیده تنلهنیشینی معلوم قیلگن.
بیزلرنینگ فیسبوک صحیفهمیزگه باش اورینگ!
او، اوشبو صحبتیده بیرلشگن ملتلر تشکیلاتینینگ یاردمی بیلن کېلهسی تورت ییلگچه ینگی اساسی قانوننی توزیش گه امید بیلدیرگن.
شونینگدیک او، بو مملکتده امریکانینگ حربی حضورینی ناقانونی اتهگن، بیراق دونالد ترامپدن منطقهده صلح برقرار اېتیلیشی اوچون سعی-حرکتلریدن منتدارلیک بیلدیریب و کېلهسی کونلرده دمشق و واشنگتن نینگ دیپلماتیک مناسبتی قیته احیا بولیش احتمالیدن خبر بیرگن.
احمد الشرع، سوریهده روسیهنینگ حربی قرارگاهلری حقیده بو مملکت بیلن آلیب باریلگن مذاکرهلرنی خوش قرشیلب و اسرائیلنینگ سوریه ایشلریگه ارهلشووی و بو مملکت اردوسینینگ آلغه باریشلری کېلهجکده ایریم قیینچیلیکلر گه سبب بولیشی حقیده آگاهلنتیرگن.
بیزلرنینگ «ایکس» ترماغی ده هم تعقیب قیلینگ!
سوریهده، کُرد کوچلریدن باشقه بوتون شبهنظامی گروهلر اینیقسه تحریر الشام هیئتی بیکار قیلینیب و اولرنینگ کوپینچهسی سوریه ینگی اردوسی گه قوشیلگنینی اېتگن، سوریهنینگ وقتینچهلیک باشلیغی احمد الشرع.
تحریر الشام هیئت باشچلیگیده سوریهدهگی قوراللی گروهلر، ۱۴۰۳-ییل، قوس آییده بو مملکتده بشار اسد عایلهسینینگ ۵۴ ییللیک حکومتی گه چېک قوییب قدرت نی آلدی.
