هلند ده افغانستان ایلچی‌خانه‌سی بیر اطلاعیه ترقه‌تیش بیلن ایتیشیچه، اوشبو مملکت‌ده حیات کیچیره‌دیگن افغانستان‌لیک‌لر قیین‌چیلیک‌لری نی حل قیلیش و قنسولی خذمت‌لر ارائه‌سی مقصد، تشقی ایشلر وزیرلیگی بیلن تعامل قیله‌دی.
اطلاعیه‌ده، مذکور ایلچی‌خانه حجت‌لر نینگ تصدیق‌لنیشی اوچون افغانستان تشقی ایشلر وزیرلیگی گه یوباریلیشی یازیلگن دیر. اطلاعیه اساسیده، مذکور پروسه عادی شکلده دوام قیلماقده.
هلند ده افغانستان ایلچی‌خانه‌سی، اوتگن کون (سه‌شنبه، ۱۱-میزان، اوشبو اطلاعیه نی «ایکس» صحیفه‌سیده ترقه‌تگن دیر.
بیزلرنینگ «ایکس» ترماغی ده هم تعقیب قیلینگ!
تشقی ایشلر وزیرلیگی، هلند ده افغانستان نینگ اوشبو اقدامی‌دن خورسند‌لیک بیلدیریب ایتیشیچه، مذکور ایلچی‌خانه، بوندن سونگ قنسولی خذمت‌لر نی تشقی ایشلر وزیرلیگی هماهنگ‌لیگده انجام بیریشی ممکن.
تشقی ایشلر وزرلیگی سوزلاوچیسی نینگ اورین‌باسری ضیااحمد تکل گه کوره: «افغانستان‌لیک‌لر اوچون اوشبو خبر جوده‌یم یخشی دیر. بوندن سونگ، قنسولی خذمت‌لر یخشی شکلده ارائه بوله‌دی و مستقیم شکلده بویروغ‌لرنی اسلام امیرلیگی تشقی ایشلر وزیرلیگی‌دن آله‌دیلر و بو ایلچی‌خانه دیپلمات‌لری و مسئوللری نینگ آیلیکلری تشقی ایشلر وزیرلیگی آرقه‌لی توللنه‌دی.»
خلق‌ارا رابطه‌لر بیلرمان‌لریدن قطاری نینگ ایشانچ‌لری گه کوره، هلند ده افغانستان ایلچی‌خانه‌سی نینگ اسلام امیرلیگی بیلن تعاملی، رسمیت گه تانیلیش و دنیا بیلن تعامل اوچون زمینه یره‌ته‌دی.
خلق‌ارا رابطه‌لر بیلرمان‌لریدن حبیب‌الله جعفری نینگ ایتیشیچه: «هلند ده‌گی دیپلمات‌لر، حتماً مذکور مملکت تشقی ایشلر وزیرلیگی بیلن تماس قوریب، اولر نینگ اسلام امیرلیگی بیلن تعامل قیلیش گه تشویق قیلسین و شونینگدیک باشقه ایلچی‌خانه‌لر هم تعامل قیلیش‌لری ممکن. البته اولر نینگ بو تعاملی اوزلری نینگ فایده‌لری گه تیگیشلی دیر.»
بیزلرنینگ فیسبوک صحیفه‌میزگه باش اورینگ!
خلق‌ارا رابطه‌لر بیلرمان‌لری نینگ ایتیشلریچه، اسلام امیرلیگی بیلن ایلچی‌خانه‌لر تعاملی، اوشبو حکومت بیلن دنیا تعاملی اوچون بیراز یخشی دیر.
شونینگدیک خلق‌ارا رابطه‌لر بیلرمان‌لریدن باشقه بیری محمد باقر محسنی نینگ ایتیشیچه: «ایلچی‌خانه‌لر تعاملی اسلام امیرلیگی بیلن دنیا تعاملی اوچون بیراز یخشی دیر، البته اوشبو تعامل‌دن مقصد، کوپراق قونسلی خذمت‌لر ارائه‌سی دیر و ایکینچی‌ده انسان پرورلیک یاردم‌لر هم اسلام امیرلیگی بیلن دنیا تعاملی نیازی بار، بیراق ایلچی‌خانه‌لر تعاملی اسلام امیرلیگی بیلن دنیا تعاملی اوچون بیراز امید بیرووچی دیر.»
اوتگن ایکی ییل‌ده، قوشنی مملکت‌لردن قطاری، مذکور مملکت‌ده افغانستان ایچی‌خانه‌سی یا-ده افغانستان دیپلماتیک نماینده‌لیکلری نی اسلام امیرلیگی گه تاپشیریش خصوصیده حاضر بولگنلر؛ بیراق هلند ده افغانستان ایلچی‌خانه‌سی، غرب تامانی‌ده اسلام امیرلیگی بیلن تعامل گه کیرگن یالغیز ایلچی‌خانه دیر.
