کابل ده افغانستان خلقارا کورگزمهلر مرکزیده «پیروزی و پیشرفتهای اقتصادی افغانستان» اسمی آستیده یولگه قوییلگن تورت کونلیگ کورگزمه بوگون (یکشنبه،ـ ۴-سنبله)، یکونلنگن.
اوشبو کورگزمه گه تولیدی محصوللرینی نمایش گه قویگن سوداگرلردن قطاری، بو کبی کورگزمهلر نینگ یولگه قوییلیشیدن خورسندلیک قیلیب و ایتیشلریچه، ساتیشلری سطحی قانیقرلی بولیب و توارلری ساتیلیشی اوچون بازار تاپیش گه اولگورگنلر.
بیزلرنینگ فیسبوک صحیفهمیزگه باش اورینگ!
کوپینچه بویورتمه قولگه کیلیتیریش مقصد محصولاتینی مذکور کورگزمهده نمایش گه قویگن سوداگرلردن بیری همایون عزیزی نینگ ایتیشیچه: «اهالی کیلیب و محصولاتیمیز نی کورهر ایدیلر؛ اولر نینگ طعمی نی خوش قیلیب و تخفیف بیلن ساتیب آلهر ایدیلر. کوپینچه کیشی بو محصولات نینگ تشقیدن کیلگنی نی توشینهر ایدی؛ لیکن بو محصولات افغانستان ده ایشلب چیقریلگن.»
شونینگدیک سوداگرلردن باشقه بیری نرگس رجبی نینگ ایتیشیچه، مذکور کورگزمه گه شرکت قیلگنی محصولاتی ساتیلیشی اوچون ۸۰ فایز فایدهلی بولگن. «باشقه سوداگرلر، دکاندارلر و پرچون شکلده ساتووچیلر بیلن شرطنامه امضا قیله آلدیک که محصوللریمیز نی باشقه ولایتلر و حتا افغانستان دن تشقی گه صادر قیلسهلر.»
شوندهی بیرحالده، بو کورگزمهدن کوریب چیققنلردن قطاری اهالیدن اولکهده ایشلب چیقریلگن محصولاتدن قوللنیشلری نی ایستهگن.
کابل یشاوچیسی محمد فایق نینگ ایتیشیچه، بو کبی کورگزمهلر نینگ یولگه قوییلیشی ایچکی محصولات ساتیلیشی اوچون زمینه یرهتیشی ممکن. «اهالی نینگ ایشسیز قالمهسلیگی و شونینگدیک مملکت اقتصادی یخشیلنیشی اوچون قول صناعتی و ایچکی محصولاتدن قوللنیشیمیز کیرهک.»
شونینگدیک کابل یشاوچیلریدن باشقه بیری محمدشکیب نینگ ایتیشیچه: «بو کورگزمه جودهیم فایدهلی ایدی. اوی گه نیازیمیز بولگن نرسهلرنی بو ییردن ساتیب آلدیک. بو محصوللر قیمتی بازار گه قرهگنده ۱۰ فایز ارزانراق ایدی.»
عین حالده، پیروزی و پیشرفتهای اقتصادی افغانستان کورگزمهسی نی یولگه قوییگن مسئوللردن فرید نادری نینگ ایتیشیچه، مذکور کورگزمهده قریب ۱۵ کیچیک و بویوک شرطنامه ۴ میلیوندن آرتیق افغانی ارزشی گه امضالنگن.
بیزلرنینگ «ایکس» ترماغی ده هم تعقیب قیلینگ!
نادری نینگ کوپهیتیریشیچه، تورت کونده قریب ۸۰ مینگ کیشی بو کورگزمهدن کوریب چیققن. «مذکور کورگزمهده قریب ۱۰-۱۵ کیچیک و بویوک شرطنامه تورت-بیش میلیون افغانی ارزشی گه امضالنگن. کیینگی برنامهلرده اهالی افغانستان نینگ ایچکی تولیدلری نینگ کوپراق تانیشلری ممکن.»
ایتیش کیرهک که، پیروزی و پیشرفتهای اقتصادی افغانستان اسمی آستیده بولگن کورگزمه، اوتگن هفته پنجشنبه کونی کابل ده یولگه قوییلیب و مذکور کورگزمهده، افغانستان نینگ ایچکی تولیدلری و محصولاتی ۳۱۰ فرغهده تورت کونگچه نمایش گه قوییلگن.
