سرپرست حکومت احصائیه و معلومات ملی اداره‌‌‌سی‌نینگ اعلام قیلیشیچه، افغانستان جاری ییل دلو آیی‌ده بیر میلیارد ۲۲۰ میلیون ۳۰۰ مینگ دالرلیک آلیش-بیریش قیلگن.
بو نهاد، بوگون (۲۷-حوت، دوشنبه)، اکس صحیفه‌سیده بیر بیانیه آرقه‌لی یازیشیچه، افغانستان دلو آیی‌ده، ۱۴۴ میلیون ۲۰۰ مینگ دالرلیک صادرات و بیر میلیارد ۷۶ میلیون ۱۰۰ مینگ دالرلیک واردات قیلگن.
بیزلرنینگ فیسبوک صحیفه‌میزگه باش اورینگ!
احصائیه و معلومات ملی اداره‌‌‌سی‌نینگ کوپه‌یتیریشیچه، افغانستان جدی آیی‌ده ۱۶۲ میلیون ۲۰۰ مینگ دالرلیک صادرات و بیر میلیارد ۹۷ میلیون ۲۰۰ مینگ دالرلیک واردات قیلگن.
بو نهاد گه کوره، اوتگن آی‌گه نسبت دلو آیی‌ده افغانستان صادراتی، ۱۸ میلیون دالر و شونینگدیک اوشبو آی‌ده واردات ایسه، ۲۱ میلیون ۱۰۰ مینگ دالر کمه‌یگن.
بیزلرنینگ فیسبوک صحیفه‌میزگه باش اورینگ!
احصائیه و معلومات ملی اداره‌‌‌سی‌نینگ معلوماتی اساسیده، اوتگن آی‌ده صادرات‌دن کوپینچه‌سی هندوستان، پاکستان و بیرلشگن عرب امیرلیک‌لری و واردات‌دن کوپینچه‌سی ایسه ایران، چین و پاکستان دن بولگن.
