باختر دولت آژانسی بوگون (دوشنبه، ۷ قوس) اوز توییتری ده یازیشیچه، افغانستان دن قزاقستان گه بیسکویت صادر قیلینگن.
باختر نینگ کوپه‌یتیریشیچه، بلخ ده الله شکور قناعت بخش فابریکه‌سی نینگ بیسکویت محصولی، بیرینچی مراتبه حیرتان بندری آرقه‌لی قزاقستان گه صادر ایتیلگن.
بیزلرنینگ فیسبوک صحیفه‌میزگه باش اورینگ!
باختر آژانسی بیلن صحبت اوتکزگن الله شکور قناعت بخش تولیدی فیرمه باشلیغی الله شکور قناعت بخش نینگ ایتیشیچه، ۴ تُن بیسکویت قزاقستان گه صادر ایتگنلر.
جناب قناعت بخش، محصولات‌لرینی باشقه اولکه‌لر گه صادر قیلیش اوچون سعی و حرکت قیله‌یاتگنلرینی اورغوله‌یدی.
بلخ مرکزی مزارشریف شهری نینگ صنعتی پارک‌لریده ییرلشگن الله شکور قناعت بخش تولیدی فیرمه‌سی، کونیده اونلب تُن بیسکویت ایشلب چیقریش گه قادر.
بیزلرنینگ توییترده هم تعقیب قیلینگ!
مذکور فیرمه ده حاضر ۶۰۰ ایشلاوچی ایکی تایم ده ایش بیلن مصروف دیر.
ایتیش کیره‌ک که، نیچه کون آلدین قندهار اناری بیرینچی مراتبه روسیه گه صادر بولگن ایدی.
