فاریاب ولایتی یشاوچیسی نثاراحمد حمیدی نینگ سلام‌وطندار گه ایتیشیچه، اوتگن کونی اوشبو ولایت مرکزی میمنه شهری‌ده یوز بیرگن ترافیکی حادثه نتیجه‌سیده، عایله اعضاسی‌دن ۱۱ کیشی اولیب و باشقه تورت کیشی ایسه یره‌لنگن.
او هیداوچی نینگ احتیاط‌سیزلیگی نی اوشبو حادثه سببی دیگن. «موتر نینگ سرعتی تیز ایدی انه شوو سبب، سرک‌دن چیقیب و نتیجه‌ده موتر‌ده‌گی کیشی‌لر اولیب و یره‌لندی.»
بیزلرنینگ فیسبوک صحیفه‌میزگه باش اورینگ!
ایچکی ایشلر وزیرلیگی ترافیک پولیس عمومی ریاستی نینگ کتبی شکلده سلام‌وطندار اختیاری گه قرار بیرگن معلوماتی اساسیده، قویاش جاری ییل نینگ باشی‌دن حاضرگچه مملکت بویلب ۱ مینگ ۲۶۵ ترافیکی حادثه یوز بیریب و نتیجه‌ده، ۵۶۲ کیشی اولیب و ۱ مینگ ۷۹۲ کیشی یره‌لنگن.
ایچکی ایشلر وزیرلیگی ترافیک پولیس عمومی ریاستی مسئوللری، قتناو یوللرده ترافیکی چراغ‌لر یوقلیگی، سرک‌لر خراب‌لیگی و هیداوچیلر احتیاط‌سیزلیگی نی مملکت‌ده یوز بیره‌دیگن ترافیکی حادثه‌لر نینگ اصلی سببلریدن بیله‌دیلر.
شونده‌ی بیرحالده، ایچکی ایشلر وزیرلیگی سوزلاوچیسی نینگ اورین باسری بسم‌الله حبیب، هیداوچیلردن قربان هییت بیرمی کونلریده ترافیکی حادثه‌لر یوز بیرمسلیگی اوچون، ترافیکی قاعده‌لر نینگ نظر گه آلیشلری نی ایسته‌گن.
بیزلرنینگ «ایکس» ترماغی ده هم تعقیب قیلینگ!
اونینگ ایتیشیچه: «هییت کونلریده ترافیکی حادثه‌لر یوز بیرمسلیگی اوچون، هیداوچیلردن ترافیکی قاعده‌لر نینگ نظر گه آلیشلری نی ایسته‌یمیز.»
ایچکی ایشلر وزیرلیگی نینگ ترافیک پولیس عمومی ریاستی معلوماتی اساسیده، قویاش جاری ییل نینگ باشلنگنی‌دن حاضرگچه کابل ۱۶۶ ترافیکی حادثه، هرات ۱۲۰ ترافیکی حادثه، غزنی ۱۰۵ ترافیکی حادثه و سمنگان ۱۰۰ ترافیکی حادثه بیلن مملکت‌ده کوپینچه ترافیکی حادثه یوز بیرگن ولایت‌لردن دیر.