بیر هفته‌دن کوپراق زمان‌دن بویان بغلان، غور، تخار، فاریاب، بدخشان، سمنگان، بادغیس، بامیان و کاپیسا ولایت‌لریده هلاکتلی سوو تاشقینلر یوز بیریب و کوپنیچه مالی و جانی زیان‌لر گه سبب بولگن.
شونده‌ی بیرحالده، غور ولایتی یشاوچیلریدن قطاری بوگون (چهارشنبه، ۲-جوزا)، کابل ده یولگه قوییلگن خبری بیر ییغیلیش‌ده ایتیشلریچه، اوشبو ولایت‌ده یوز بیرگن سونگی سوو تاشقینلر نتیجه‌سیده، غور یشاوچیلری برچه نرسه‌لری نی قولدن بیریب و حاضر ایسه ایچیم‌لیک سوو، آزیق-آوقت و دارو‌دن فایده‌لنه آلمه‌یدیلر.
غور یشاوچیسی و اوشبو ولایت‌ده سوو تاشقین‌لردن زیان کورگن عایله‌لر اوچون داد‌خواه‌لیک کمیته عضوی سیدیاسین متین، اوشبو ییغیلیش‌ده ایتیشیچه: «حاضر ایسه اهالی ایچیم‌لیک سوو، آزیق-آوقت و دارو گه کوپراق نیازی بار؛ بیراق قیغو بیلن حاضرگچه جدی شکلده قره‌تیلمه‌گن.»
بیزلرنینگ «ایکس» ترماغی ده هم تعقیب قیلینگ!
باشقه بیر تاماندن، مذکور ییغیلیش‌ده غور یشاوچیلریدن باشقه بیری انس حقانی نینگ ایتیشیچه، سوو تاشقینلر نتیجه‌سیده مذکور ولایت نینگ مواصلاتی یوللری یاپیق قالگنی، غور یشاوچیلری نینگ انسان‌پرورلیک یاردم‌لردن فایده‌لنیشی نی قیین‌لشتیرگن. او خلق‌ارا نهاد‌لردن غور ولایتی یشاوچیلری اوچون کوپراق یاردم ترقه‌تیلیشی نی ایسته‌گن.
انس نینگ کوپه‌یتیریشیچه: «سوو تاشقینلر نتیجه‌سیده، غور ولایتی مواصلاتی یوللریدن کوپینچه‌سی یاپیلگن و اوی‌لری بوزیلگن اهالی ایسه کیچه و کوندوز‌لری نی آچیق هوا‌ده اوتکزه‌دیلر. خلق‌ارا نهاد‌لردن زیان کورگن عایله‌لر بیلن همکارلیک قیلیش‌لری نی ایسته‌یمیز.»
شونده‌ی بیرحالده، تخار و بغلان ولایت‌لریده سونگی سوو تاشقین‌لردن زیان کورگن عایله‌لردن قطاری نینگ ایتیشلریچه، سرپرست حکومت تامانیدن قولگه کیلتیرگن‌لری یاردملر، ییترلی ایمس.
بغلان ولایتی برکه تومنی نینگ «سای‌هزاره» منطقه یشاوچیسی عبدالهادی امیرزاده گه کوره: «ایکینچیلیک ییرلر نی خراب قیلگن، چاروه‌لر و حتا انسان‌لر نی اوزی بیلن آلیب کیتگن. اوی‌لری سوو گه کیتمه‌گن کیشی‌لر نینگ اویی‌ده هم حیات کیچیریش امکانی یوق. بیزلر گه بولگن یاردملر هم آز دیر. کوپراق یاردملر بیریلیشی نی ایسته‌یمیز.»
شونینگدیک تخار ولایتی اشکمش تومنی یشاوچیسی خان‌محمد نینگ ایتیشیچه: «بو ییرده نهاد‌لر آزیق-آوقت یاردم ترقه‌ته‌دیلر و پول یاردم بیره‌دیلر. بولر ییترلی ایمس.»
عین حالده، بیرلشگن ملت‌لر تشکیلاتی نینگ خلق‌ارا آزیق-آوقت دستوری سه‌شنبه کونی اعلام قیلیشیچه، افغانستان نینگ شمالی‌ده یوز بیرگن سوو تاشقینلر نتیجه‌سیده، ۸۰ مینگ‌دن آرتیق کیشی زیان کوریب و اوشبو مملکت شمالی‌ده آزیق-آوقت خوفسیزلیگی کوپه‌یشی ممکن.
بیزلرنینگ فیسبوک صحیفه‌میزگه باش اورینگ!
مذکور نهاد گه کوره، سوو تاشقینلری گه قرشی کوره‌ش و سوو تاشقین‌لریدن زیان ییتیشگن بولیم‌لریده کوچلنتیریش لایحه‌لر اوچون ۱۴ میلیون‌دن آرتیق دالر گه نیاز بار. شونینگدیک اوشبو تشکیلات نینگ آگاه‌لنتیریشیچه، کیله‌سی آی‌لر افغانستان ده کوپراق سوو تاشقینلر یوز بیریشی ممکن.
طبیعی آفت‌لرنی باشقریش ایشلری بوییچه دولت وزیرلیگی نینگ معلوماتی اساسیده، اوتگن ۱۱ کون ایچیده ممکت‌ده یوز بیرگن سوو تاشقینلر نتیجه‌سیده، ۲۹۴ کیشی اولیب و ۲۶۶ کیشی ایسه یره‌لنگن.
