خلق‌ارا ساغلیق‌نی سقلش تشکیلاتی نینگ افغانستان بولیمی، افغانستان ده آزیق-آوقت خوفسیزلیگی سبب بیش یاش‌نی تولدیرمه‌گن ایکی میلیون ۹۰۰ مینگ باله نینگ توییب آوقتلنمسلیک بیلن روپه‌ره بولگنی نی اعلام قیلگن.
مذکور نهاد بوگون (پنجشنبه، ۲۲-سنبله)، اوز اکس صحیفه‌سیده بیر بیانیه ترقه‌تیب یازیشیچه، مذکور باله‌لردن ۸۵۰ مینگ ته‌سی آغیر توییب آوقتلنمسلیککه چلینگن.
بیزلرنینگ «ایکس» ترماغی ده هم تعقیب قیلینگ!
بو نهاد گه کوره، افغانستان یشاوچیلریدن اوچ‌دن بیر قسمی ییترلیچه آزیق-آوقت بیلن تامین‌لنمه‌گن جایلرده حیات کیچیره‌دیلر و سوو تاشقینلر نینگ یوز بیرگنی بو وضعیت‌نی یامانلشتیرگن.
خلق‌ارا ساغلیق‌نی سقلش تشکیلاتی نینگ بیانیه‌سیده کیلیشیچه، جاری ییل‌ده افغانستان ده توییب آوقتلنمسلیک‌نی دوالش مرکزی‌ده آغیر توییب آوقتلنمسلیککه چلینگن ۲۱ مینگ باله نی دواله‌گنلر.
بیزلرنینگ فیسبوک صحیفه‌میزگه باش اورینگ!
خلق‌ارا ساغلیق‌نی سقلش تشکیلاتی، خلق‌ارا همجعیت‌دن افغانستان یشاوچیلری گه ساغلیق و آزیق-آوقت یاردم‌لری ارائه‌سی اوچون تیز بیر شکلده بو نهاد گه یاردم بیریشلرینی ایسته‌گن.
بوندن آلدین، افغانستان ده بیرلشگن ملتلر تشکیلاتی نینگ خلق‌ارا آزیق-آوقت دستوری، جاری میلادی ییل‌ده مذکور مملکت‌ده قریب تورت میلیون باله و عیال نینگ آغیر توییب آوقتلنمسلیکدن اذیت چیکیشینی اعلام قیلگن ایدی.
