افغانستان یشاوچیلریدن قطاری اینترنت صفتی قویی‌لیگی و قیمتی یوقاریلیگیدن شکایت قیلیب و ایتیشلریچه، مملکت‌ده‌گی انترنت صفتی نی قوشنی مملکتلر بیلن مقایسه قیلیب بولمه‌یدی.
هرات یشاوچیسی عزیزاحمد مملکت‌ده انترنت صفتی قویی‌لیگی خصوصیده ایتیشیچه، بیر آی‌ده بیر یا-ده ایکی مرته قوشنی مملکتلرده حیات کیچیره‌دیگن عایله و دوستلریدن خبر آلیش مقصد اینترنت‌دن قوللنه‌دی؛ لیکن اینترنت سرعتی و صفتی قویی‌لیگی سبب اولر بیلن علاقه قوره آلمه‌یدی.
بو توغریده اونینگ کوپه‌یتیریشیچه: «افغانستان ده اینترنت قیمتی کوپ دیر و بیر آی‌ده بیر یا-ده ایکی مرته ایران ده بولگن عایله‌م و دوستلریمدن خبر آلیش مقصد فعال قیله‌میز؛ لیکن سرعتی جوده‌یم قویی دیر؛ سیس یوبارگنیمیزده، ییریمیز‌دن توریب یا-ده آنتن‌بیره‌دیگن بیر ییر گه باریشیمیز کیره‌ک. ایران ده بولگنیم‌ده او ییرده کوپ ارزان ایدی. ۱۰ جی‌بی قریب ۴۰ افغانی بوله‌ر ایدی؛ بیراق بو ییرده قریب ۶۰۰ یا-ده ۷۰۰ افغانی بوله‌دی. بو قیین‌چیلیک نه رسمی‌لر و نه هم ترماقلر آرقه‌لی حل بوله‌دی.»
بیزلرنینگ فیسبوک صحیفه‌میزگه باش اورینگ!
ننگرهار یشاوچیسی غلام‌یحیا نینگ ایتیشیچه، اینترنت صفتی باشقه مملکتلر گه قره‌گنده جوده‌یم قویی دیر. «اینترنت سرعتی کوپ قویی و فعال قیله‌دیگنیمیز بسته‌لر هم کمیده ۱۰ جی‌بی یا کوپراق دیر؛ بیراق اینترنت ضعیف‌لیگی سبب اوندن قوللنه آلمه‌یمیز.»
شونینگدیک بدخشان ولایتی شغنان تومنی یشاوچیسی رمزیه جویا هم بو کبی قیین‌چیلیک بیلن روپه‌ره بولگنی نی بیان قیلیب و ایتیشیچه، اینترنت سرعتی قویی بولگنی سبب، سرعتی کوپ یخشی بولگن تاجیکستان‌لیک سیم‌کارتلردن قوللنیش گه مجبور دیر.
رمزیه نینگ کوپه‌یتیریشیچه: «اینترنت ساحه‌سیده کوپینچه قیین‌چیلیک بیلن روپه‌ره‌میز. شغنان تومنی‌ده اینترنت اوچون افغانستان‌لیک سیم‌کارتلرنی بیرمه‌یدیلر و مجبور آز بولسه هم تاجیکستان‌لیک سیم‌کارتلردن قوللنسه‌ک؛ چونکه اولر سیم‌کارتلری نینگ باشقه مملکتلرده قوللنیلیشی خصوصیده رخصت بیرمه‌یدیلر و تیزلیکده تاپیلمه‌یدی که قوللنسه‌ک. شونینگدیک تاجیکستان‌لیک سیم‌کارتلر اینترنتی قیمت هم یوقاری دیر؛ لیکن مجبورمیز.»
شونده‌ی بیرحالده، کابل یشاوچیلریدن قطاری هم بو کبی قیین‌چیلیک بیلن روپه‌ره بولگنلرینی بیان قیلیب و ایتیشلریچه، مملکت پایتختی بولگن کابل ده هم اینترنت اونچه‌لیک یخشی ایمس.
کابل یشاوچیسی احمدصدیق پوپل‌زی نینگ ایتیشیچه: «اینترنت سرعتی قویی، قیمتی کوپ و صفتی قویی دیر. افغانستان ده سایت‌لردن کوپ قطاری یاپیق دیر؛ وی‌پی‌ان نی فعال قیلگنیمیزده هیچ ایشلمه‌یدی. دولت‌دن اینترنت قیمتی و صفتی خصوصیده توجه قیلیشی نی ایسته‌یمیز؛ چونکه باشقه مملکتلرده اینترنت قیمتی آز؛ لیکن صفتی کوپ یخشی دیر.»
بیزلرنینگ «ایکس» ترماغی ده هم تعقیب قیلینگ!
عین حالده، افغانستان مخابراتی خذمتلرنی تنظیم‌لش اداره‌سی (اترا) سوزلاوچیسی جلال‌الدین شمس، مملکت‌ده اینترنت صفتی قویی بولگنی نی قبول قیلیب؛ بیراق ایتیشیچه، اوشبو اداره نینگ فنی تیم‌لری مخابراتی ترماقلر اینترنتی نینگ صفتی نی آشیریش اوچون برچه ولایت‌لرده ایشلماقده‌لر.
اونینگ کوپه‌یتیریشیچه: «اهالی اینترنت صفتی‌دن شکایت قیله‌دیلر؛ بیراق حاضر ایسه اینترنت صفتیده تغییر کیلگن، چونکه حاضر ایسه بیر جی‌بی اینترنت ۱۱۰ افغانی دیر؛ اوتمیش‌ده بیر جی‌بی اینترنت قریب ۲۰۰ یا-ده ۳۰۰ افغانی ایدی. تخنیکی تیم‌لریمیز برچه ولایت‌لرده سعی‌وحرکت قیلماقده‌لر که ترماقلر نی تیکشیرسه‌لر؛ لیکن حاضر برچه ترماقلر اینترنت قیمتینی کمه‌یتیریش اوچون تلاش قیلماقده.»
عین حالده، ولایتلردن قطاری‌ده یشاوچیلر اینترنت خذمتلری گه قول تاپه آلمه‌ی و بو خذمتلر اوزاق تومن‌لرده آزراق بولیب و اهالی قیین‌چیلیک بیلن روپه‌ره دیر.