خلق‌ارا «انسان‌دوستلیک» کونی بیلن بیرگه، افغانستان ده بیرلشگن ملتلر تشکیلاتی باله‌لردن حمایت قیلووچی صندیغی نینگ اعلام قیلیشیچه، جاری میلادی ییل‌ده افغانستان ده ۲۳ میلیون ۷۰۰ مینگ کیشی جمله‌دن ۱۲ میلیون ۳۰۰ مینگ باله نینگ انسان‌پرورلیک یاردم‌لرگه نیازی بار.
اوشبو نهاد بوگون (دوشنبه، ۲۹-اسد)، اوز وبسایتی‌ده بیر گزارش آرقه‌لی یازیشیچه، می آیی‌ده افغانستان شمال‌شرقی‌ده یوز بیرگن هلاکتلی سوو تاشقینلر و قتیق یاغینگرچیلیکلر سبب، بدخشان، بغلان و تخار ده ۲۱ تومن گه زیان ییتیشگن که اونینگ نتیجه‌سیده، ۱۸۰ کیشی اولیب و ۲۸۰ کیشی ایسه یره‌لنگن.
بیزلرنینگ فیسبوک صحیفه‌میزگه باش اورینگ!
یونیسف نینگ کوپه‌یتیریشیچه، جاری میلادی ییل نینگ باش آلتی آیی‌ده ایکی میلیون ۸۰۰ مینگ‌دن آرتیق کیشی جمله‌دن ۲۶ فایز عیال گه، اجتماعی و روحی ساغلیق خذمتلرنی ارائه قیلگن.
اوشبو نهاد نینگ گزارشی‌ده کیلیشیچه، جاری میلادی ییل نینگ باش آلتی آیی‌ده قتیق توییب آوقت‌لنمسلیککه چلینگن ۲۷۲ مینگ‌دن آرتیق باله جمله‌دن ۵۷ فایز قیز ایسه دوالنگن.
بیزلرنینگ «ایکس» ترماغی ده هم تعقیب قیلینگ!
یونیسف نینگ کوپه‌یتیریشیچه، شونینگدیک جاری میلادی ییل نینگ باش آلتی آیی‌ده افغانستان ده ۴۴۲ مینگ کیشی گه ایچیم‌لیک سوودن فایده‌لنیش زمینه‌سینی یره‌تیب و قیزه‌میققه چلینگن ۷۰۴ مینگ‌دن آرتیق باله نی واکسین قیلگن.
بوندن آلدین خلق‌ارا یاردم ییتکزیش نهاد‌لر، افغانستان یشاوچیلری گه یاردم بیریش اوچون بودجه کم‌لیگی بیلن بیرگه، اولرنینگ انسان‌پرورلیک یاردم‌لر اینیقسه آزیق-آوقت محصولاتی خصوصیده نیازمندلیک رقمی یوقاریلیگی‌‌دن آگاه‌لنتیرگن ایدی.