سپینبولدک قتناو یولی و پاکستان چیگره مدیریت رسمیلری، اوشبو مملکتدن افغانستانلیک مهاجرلر نینگ منظم شکلده قیتیشلری خصوصیده، اوتگن کون اوچرهشیب و صحبت قیلگنلر.
مذکور اوچرهشوو اوتگن کون (سهشنبه، ۲-عقرب)، پاکستان دن افغانستانلیک مهاجرلر قیتیشی اوچون تعیینلنگن وقت نینگ یکونلنیشی بیرحالده، سپینبولدک قتناو یولی کمیساری احمد احسان و چمن چیگره قوماندانی عمر جبار حضوری بیلن اوتکزیلگن.
بیزلرنینگ «ایکس» ترماغی ده هم تعقیب قیلینگ!
اوشبو اوچرهشووده، سپینبولدک قتناو یولی کمیساری احمد احسان، پاکستانلیک رسمیلردن افغانستان گه قیتهدیگن مهاجرلر گه، مذکور قتناو یولدن توسیقسیز شکلده اوتیشلری نی ایستهگن. اونینگ کوپهیتیریشچه: «اولر بو چیگرهدهگی قیینچیلیکلرگه حل یول تاپیلیشی و قیتهدیگن مهاجرلر نینگ کوتیب تورمهسلیکلری نی اَیتگنلر. چیگرهدن اوتیشلری پیتده، مستقیم شکلده اوتیب و اولر نینگ اوتیشلری گه فرصت بیریلیشی نی ایستهگنلر. او ییرلرده کمپلرده سقلنمهسینلر.»
باشقه بیر تاماندن، قندهار ده مهاجرلر ایشلری بوییچه باشلیغی ولیجان بادام نینگ ایتیشیچه، کونده، سپینبولدک قتناو یولیدن ۱۹۰ عایله افغانستان گه قیتهدی. اونینگ کوپهیتیریشیچه: «بیر ییلدن بیری سپینبولدک قتناو یولیدن ۱۲ مینگ افغانستانلیک مهاجر عایلهلر قیتگن و کونده ۱۹۰ عایله سپینبولدک تومنی یولی آرقهلی اوشبو ولایت گه قیتهدیلر.»
شوندهی بیرحالده، پاکستاندن مملکت گه قیتگن عایلهلردن قطاری، یامان اقتصادی وضعیتده قرار تاپگنلری نی اَیتیب و سرپرست حکومتدن یاردم ایستهگنلر.
ایکی آی آلدین پاکستان دن قیتگن ننگرهار یشاوچیسی خلیل نینگ ایتیشیچه: «کراچیده ۵-۶ ییل حیات کیچیردیک، آشپز ایدیک و افغانستان گه قیتگنیمدن ایکی آی بولهدی. ۱۰ کیشیلیک عایلهمیز. بو ییرده نه ایش بار و نه ایش زمینهسی. کرایی اویدهمیز و کوپینچه قیینچیلیک بیلن روپهرهمیز. بیزلر گه ایش زمینهسی یرهتیلیشی کیرهک.»
بیزلرنینگ فیسبوک صحیفهمیزگه باش اورینگ!
پاکستانلیک میدیالر گزارشی اساسیده، جاری آیده پاکستان دن ۵۲ مینگ افغانستانلیک مهاجر افغانستان گه قیتگن.
بوندن آلدین پاکستان نینگ موقت حکومتی ایچکی ایشلر وزیری، ناقانونی مهاجر بو ییل اکتبر آیی یکونیچه مملکت نینگ ترک قیلیشلری نی ایتگن ایدی.