بوگون (شنبه، ۱۴ جوزا)، کابل ده مطبوعاتی ییغین اوتکزگن دارو صناعتی و دارو متشبث‌لر اتحادلری، افغانستان بازارلریده دارو تنقیص‌لیگیگه دایر سوزلرنی رد قیلیب ایتیشلریچه، حاضرگی کونده بازارلرده نیازگه بناً دارو موجود.
اوشبو ییغینده دارو صناعتی اتفاقی و افغانستان طبی محصولات باشلیغی کمال‌الدین کاکر نینگ ایتیشیچه، افغانستان کارخانه‌لریده دارو ایشلب چیقریش ظرفیتی یوقاری دیر، بیراق اوشبو دارولر اوچون مناسب بازار یوق.
بیزلرنینگ فیسبوک صحیفه‌میزگه باش اورینگ!
جناب کاکر گه کوره، مملکتده‌گی ۸۶ کارخانه موجود که اولر ارا ۵۵ کارخانه دارو ایشلب چیقریش بولیمیده فعالیت قیله‌دی. اونینگ کوپه‌یتیریشیچه، مذکور کارخانه‌لرده ۳۶۰ تورلی خیل دارو تولید بولیب ومستقیم و غیر مستقیم روشده ۱۵۰۰۰ کیشی ایش بیلن تأمینلنگن. اونینگ کوپه‌یتیریشیچه، دولت تولیدی سکتورلر نینگ قیینچیلیگی حلی اوچون یاردم بیریب و دارو قاچاقینی آلدینی آلیشی کیره‌ک. دارو صناعتی اتفاقی و افغانستان طبی محصولات باشلیغی، دارو قانون_قاعده‌لری خصوصیده ایتیشیچه، دارو قانونی جمهوریت زمانیده‌گی قانون دیر. اونینگ ایشانچی گه کوره، بوتوغریده آلینه‌دیگن قانون اولر بیلن شریک قیلینیشی کیره‌ک.
باشقه تاماندن دارو متشبث‌لر اتفاقی و افغانستان طبی محصولات سرپرستی گل‌حلیم حلیم نینگ ایتیشیچه، اولر اوستیده اقتصادی و تشقی باسیم‌لر کوپ بولسه‌ده؛ بیراق اهالی گه دارو ترقه‌تیش جریانی اوتمیش‌لر کبی دوام ایتماقده. او اسلامی امارت رهبریتی اینیقسه دارو و ییگولیک ماده اداره‌سیدن، افغانستان گه قانون_قاعده اساسیده صفتلی دارو وارد قیلیش اوچون اولر بیلن قوشیلیش‌نی طلب قیله‌دی. شونینگدیک او اسلامی امارت مسئوللریدن، تولیدی کارخانه‌لرنی حمایت ایتیشینی سوره‌یدی.
بیزلرنینگ توییترده هم تعقیب قیلینگ!
عین‌حالده، بوندن آلدین دارو ساتووچیلر اتفاقی، افغانستان مثل‌سیز درجه ده دارو تنقیص‌لیگی بیلن روپه‌ره لیگیدن آگاه‌لنتیرگن ایدی.
