افغانستان ایرکین خبرچیلر بیرلشمه‌سی نینگ ایتیشیچه، سونگی بیر یریم ییل‌ده، ۲۷ ینگی میدیا فعالیت گه باشله‌گن.
اوشبو بیرلشمه مسئولی حجت‌الله مجددی نینگ سلام‌وطندار گه ایتیشیچه، جمهوریت توزومی قوله‌شیدن کیین، ۲۷ ینگی میدیا جمله‌دن ایکی تصویری میدیا، ۱۷ رادیو، بیش خبری آژانس و ایکی باسمه نشریه فعالیت گه باشله‌گن.
مجددی گه کوره، اسلام امیر‌لیگی نینگ قدرت گه ایریشگنی‌دن کیین، فعالیتی توخته‌گن ۲۸ میدیا قیته فعالیت گه باشله‌گن. اونینگ کوپه‌یتیریشیچه: «اوزگریشلردن کیین، میدیالر نینگ قیته فعال بولیشی، میدیا ایشلری خصوصیده قیزیقیش نینگ کوپه‌یگنی نی کورسته‌دی؛ ۲۸ میدیا قیته فعالیت گه باشله‌گن که جمله‌دن تورت ته‌سی تصویری، ۱۹ ته‌سی رادیو و ایکی باسمه نشریه دیر.»
بیزلرنینگ فیسبوک صحیفه‌میزگه باش اورینگ!
افغانستان ایرکین خبرچیلر بیرلشمه‌سی مسئولی نینگ کوپه‌یتیریشیچه، ینگی‌لیکده فعالیت گه باشله‌گن میدیالرده، کوپینچه عیال هم ایش بیلن شغللنگن.
ینگی‌لیکده فعالیت گه باشله‌گن میدیالردن قطاری نینگ مسئوللری، فعالیت‌لری نی ایجابی عنوان قیلگنلری بیرحالده؛ بیراق مسئوللر تامانیدن مالی حمایت بولینیشی نی ایسته‌گنلر.
ینگی‌لیکده فعالیت گه باشله‌گن «رادیو صدای پروان» و «رادیو صدای دریای کابل» مسئولی سهار سیرت نینگ ایتیشیچه، بیر ییل‌دن بیری فعالیت گه باشله‌گن صدای پروان رادیو‌سیده، ۱۲ کیشی و صدای دریای کابل رادیو‌سده سکیز کیشی ایش بیلن شغللنگن. اوشبو میدیالر یره‌تیلگنی مقصدی خصوصیده ایتیشیچه: «فعالیت گه باشله‌گنیمیزدن مقصد، میدیا جماعه‌سی نینگ رواجلنیشی ایدی و درس‌دن محروم قالگن کیشیلر، رادیو آرقه‌لی توزه‌تیله‌دیگن تعلیمی برنامه‌لر نینگ ایشیتسینلر و بو یول آرقه‌لی درس بیریلسین.»
کاپیسا ده طنین اطلاعات رادیوسی مسئولی احمد‌شاه خادم نینگ ایتیشلریچه، فعالیت‌لری نینگ دوام بیریش اوچون سرپرست حکومت نینگ مالی همکارلیگی گه نیازلری بار. او مذکور رادیو فعالیتی خصوصیده ایتیشیچه: «بو میدیا موضوع‌لری، تعلیمی، خبری و فرهنگی دیر. بو رادیو‌ده کوپراق اجتماعی مسئله‌لر نی ترقته‌میز. کوپراق البیرونی طلبه‌لری بیزلر بیلن همکارلیک قیله‌دیلر؛ بیش-آلتی کیشی بیزلردن امتیاز آله‌دی.» خادم مالی منبع‌لر یوقلیگی نی اوشبو میدیا نینگ اینگ بویوک قیین‌چیلیگی عنوان قیلگن.
بیزلرنینگ «ایکس» ترماغی ده هم تعقیب قیلینگ!
میدیالر فعالیتی فایده‌سی خصوصیده مصئونیت کمیته‌سی سابق باشلیغی و میدیا ایشلری بوییچه فعالی صدیق‌الله توحیدی نینگ ایتیشیچه: «جماعیت‌ده، معلومات ییتکزیش انسانی و فقرالیک بیر حق دیر. اهالی نی تعلیم گه تشویق قیله‌دی. میدیالر سانی هر قنچه کوپ بولسه، کوپراق سیس‌لر ییتیشه‌دی.»
معلومات و مدنیت وزیرلیگی نینگ نشرات معینی مهاجر فراهی نینگ ایتیشیچه، اسلام امیر‌لیگی اسلامی، ملی منفعت و افغانستان یشاوچیلری نینگ عنعنه‌لری ارزشی اساسیده، میدیالردن حمایت قیله‌دی. اونینگ کوپه‌یتیریشیچه: «۳۰ میدیا فعالیت گه باشله‌گن. میدیالر بولیمی‌ده رادیو‌لر، باسمه میدیالر و یوتیوب‌چینل‌لر هم بار.»
معلومات و مدنیت وزیرلیگی آماری اساسیده، حاضر ایسه افغانستان ایچیده ۳۶۰ میدیا نینگ فعالیتی بار و بیر مینگ ۵۰۰ کیشی ایسه ینگی‌لیکده میدیالرده ایش بیلن شغللنگن.