افغانستان قیزیل آی جمعیتی باشلیغی مطیع‌الله خالص تورکیه، قطر، بریتانیا، آسترالیا، کانادا، جرمنی، ناروی، فنلند، دنمارک اولکه‌لری و ملی جمعیت‌لر خلق‌ارا فدراسیونی بیلن اوتکزگن قوشمه ییغیلیشی ده، افغانستان گه دنیا همجمعیت نینگ یاردم‌لری کوپه‌یتیریلیشینی طلب قیلگن.
عین‌حالده، مذکور ییغیلیش ده اشتراک ایتگن مملکت‌لر نینگ نماینده‌لری، افغانستان خلقی گه یاردم بیریش وعده‌سینی بیریب و افغانستان ده محتاج کیشی‌لر گه یاردم بیریش اوچون دنیا همجمعیت نینگ ترغیب قیلیش‌لرینی معلوم قیلگنلر.
بیزلرنینگ فیسبوک صحیفه‌میزگه باش اورینگ!
افغان قیزیل آی جمعیتی سوزلاوچیسی عرفان‌الله شرف‌زی نینگ ایتیشیچه: «افغان قیزیل آی جمعیتی عمومی باشلیغی مطیع‌الله خالص و بیرگه‌لیکده‌گی هیئتی اوشبو ییغیلیش ده اشتراک ایتگن و افغانستان نینگ حاضرگی وضعیتی، بشری فعالیت‌لر و یاردم‌لرنی جلب ایتیش مسئله‌سی محاکمه قیلینیب و مذکور ییغیلیش ده اشتراک ایتگن برچه اولکه‌لر افغانستان گه یاردم بیریش وعده‌سینی بیرگنلر.»
شونینگدیک، جناب شرف‌زی اوشبو ییغیلیش ده افغان قیزیل آی جمعیتی تامانیدن شریک قیلینگن طلب‌لر باره‌سیده سلام‌وطندار گه ایتیشیچه: «مذکور ییغیلیش ده توغمه یوره‌ک تیشیگی بار باله‌لر نی دوالش، بیوه و سرپرست‌سیز عایله‌لر گه یاردم بیریش و روحی کسل‌لیککه چلینگنلرنی دوالش باره‌سیده صحبت قیلینگن.»
باشقه تاماندن، اقتصادی ایش بیلرمان‌لردن قطاری بو کبی ییغیلیش‌لرنی افغانستان اوچون مهم بهالب ایتیشلریچه، افغانستان ده سیاسی و اقتصادی قیینچلیک‌لر حلی اوچون بو کبی ییغیلیش‌لر مهم دیر.
اقتصادی ایش بیلرمان تاج‌محمد تلاش نینگ سلام‌وطندار گه ایتیشیچه: «بو کبی ییغیلیش‌لر اقتصادی ینگی همکارلیک‌لر گه زمینه یره‌تیب قیزیل خاچ، یونسکو، اسیسکو و سره‌میاشت کبی خلق‌ارا مؤسسه‌لر افغانستان بیلن اقتصادی تعامل قیلیش‌لری گه سبب بوله‌دی.»
بیزلرنینگ توییترده هم تعقیب قیلینگ!
افغان قیزیل آی جمعیتی باشلیغی، افغانستان ده بشری وضعیت باره‌سیده تورکیه نینگ استانبول شهری ده اوتکزیلگن ییغیلیش ده، افغانستان خلقی گه دنیا همجمعیت نینگ یاردم‌لری کوپه‌یتیریلیشینی طلب قیلگن.
اوشبو ییغیلیش ده، ملی جمعیت‌لر خلق‌ارا فدراسیونی مسئولی الیکذیندر میتیو، افغانستان گه انسان پرورلیک یاردم‌لر بولیمیده افغان قیزیل آی جمعیتی بیلن همکارلیک قیلیش اوچون ملی جمعیت‌لر قوللب_قوتلنیشی اوستیده تأکید ایتگن.
