تورلی مملکتلر اینیقسه ایران، پاکستان و تورکیه دن افغانستان‌لیک قاچقینلر نینگ چیقریلیش پروسه‌سی کوپه‌یگنی بیرحالده، بیرلشگن ملتلر تشکیلاتی نینگ قاچقینلر ایشلری بوییچه عالی کمیسارلیگی و خلق‌ارا ایش تشکیلاتی، باشقه مملکتلردن افغانستان گه قیتگن قاچقینلر گه ایش زمینهلری یره‌تیلیشی مقصد بیر شرطنامه امضالنگنی‌دن خبر بیرگنلر.
بیرلشگن ملتلر تشکیلاتی نینگ قاچقینلر ایشلری بوییچه عالی کمیسارلیگی آرقه‌لی ترقه‌تیلگن بیانیه‌ده کیلیشیچه: «خلق‌ارا ایش تشکیلاتی و بیرلشگن ملتلر تشکیلاتی‌نینگ قاچقینلر ایشلری بوییچه عالی کمیساری، همکارلیک‌لرینی کېنگه‌یتیریش و اجتماع، مهارت‌لرنی آشیریش تعلیم و بازارلردن فایده‌لنیش آرقه‌لی قاچقینلر اوچون ایش فرصت‌لری یره‌تیلیشی و اولردن میزبان‌لیک قیله‌دیگن مملکتلرنی قوللب-قوتلش مقصدیده شرطنامه امضاله‌گنلر.»
شونده‌ی بیرحالده، افغانستان گه قیتگن قاچقینلردن قطاری نینگ ایتیشلریچه، ایش زمینه‌سی یوقلیگی طفیلی یامان اقتصادی وضعیت‌ده قرار تاپگنلر.
بیزلرنینگ «ایکس» ترماغی ده هم تعقیب قیلینگ!
کمیده بیش آی آلدین پاکستان دن چیقریلیب و افغانستان گه قیتریلگن حبیب و مشفق نینگ ایتیشلریچه، ایش‌سیزلیک و درآمدلری یوقلیگی سبب یامان بیر وضعیت‌ده حیات کیچیره‌دیلر. مملکت گه قیتریلگن مذکور قاچقینلر نینگ کوپه‌یتیریشلریچه، بو وضعیت نینگ دوام قیلگنی اولر نی قیته ایران و پاکستان کبی مملکتلر گه مهاجرت قیلیش گه مجبور قیلیشی ممکن.
حبیب نینگ ایتیشیچه: «بو ییرده قیین‌چیلیکلر کوپ، آز سرمایه‌میز هم عایله اوچون صرف‌لندی و کرایی اوی گه حیات کیچیره‌میز. دولت‌دن بیزلر گه ایش زمینه‌سی یره‌تیلیشینی ایسته‌یمیز.»
شونینگدیک مشفق نینگ ایتیشیچه: «ایش زمینه‌سی یره‌تیلمه‌گنی صورت‌ده، مجبور بوله‌میز که ایش تاپیش اوچون قیته مهاجرت قیلسه‌ک.»
باشقه بیر تاماندن، ینگی‌لیکده ایران دن مملکت گه قیتگن قاچقینلردن صفی‌الله نینگ ایتیشیچه، ایش‌سیزلیک و درآمدی یوقلیگی طفیلی نابیللی کیله‌جک، مملکت گه قیتگن قاچقینلر نینگ بویوک بیر قیین‌چیلیگی دیر.
بو توغریده صفی‌الله نینگ سلام‌وطندار گه ایتیشیچه: «افغانستان ده ایش و درآمد منبع‌سی بولگنی صورت‌ده، نیگه مهاجرت قیله‌یلیک؟ بیزلر یالغیز کیچه و کوندوز اوزیمیز و عایله‌میز نینگ آوقتی نی تاپیش قدر درآمد ایسته‌یمیز. بو بولسه مهاجرت قیلمه‌یمیز.»
بیزلرنینگ فیسبوک صحیفه‌میزگه باش اورینگ!
عین حالده، سرپرست حکومت مملکت گه قیتگن قاچقینلر گه ایش زمینه‌سی یره‌تیلیشی مقصد خلق‌ارا ایش تشکیلاتی و بیرلشگن ملتلر تشکیلاتی نینگ قاچقینلر ایشلری بوییچه عالی کمیسارلیگی آره‌سیده امضالنگن شرطنامه‌دن خورسند‌لیک بیلدیریب و ایتیشیچه، اوشبو ییچیم یول نینگ عمل‌گه آشیریلیشی مملکت اقتصادی گه اساسی تاثیری بولیشی ممکن.
بو توغریده اسلام امیرلیگی اقتصاد وزیرلیگی سوزلاوچیسی عبدالرحمان حبیب نینگ سلام‌وطندار گه ایتیشیچه: «مملکت گه قیتگن قاچقینلر گه ایش تاپیش اساسی و اونملی بیر موضوه دیر، چونکه اقتصادی رواجلنیشی گه تاثیر قوییشی ممکن. بو ایش نه فقط ایش‌سیزلیک رقمی نی کمه‌یتیره‌دی، بلکیم مملکت ایچکی اقتصادی رواجلنیشی گه هم یاردم بیریشی ممکن.»
افغانستان‌لیک قاچقینلر میزبانی بولگن مملکتلر، میلیون‌لب افغانستان‌لیک قاچقینلر نی چیقرماقچین بولگنی بیرحالده، مملکت‌ده نامناسب اقتصادی وضعیت سبب ایش‌سیزلیک سانی خواطرلنتیرووچی شکلده یوقاری بولیب و قاچقینلر نینگ چیقریلیشی بو خواطرلرنی کوپه‌یتیرگن.