اۉزبیکستان ترمذ خلق‌ارا سودا مرکزی مسئوللری، اوشبو بازارده اقتصادی فعالیت‌لر باشلنگچ، سوداگرلر نینگ دکان اجاره آلیش گه قیزیقیشی کوپه‌یگنینی معلوم قیله‌دیلر.
ترمذ خلق‌ارا سودا مرکز مسئولی سنجر صادق‌اوف، سۉنگی نیچه کونده قریب ۵۰ دکان، افغانستان‌لیک تدبیرکارلر و سوداگرلری تامانیدن اجاره آلینگن و بو جریان همان دوام اېتماقده‌لیگینی اېته‌دی.
بیزلرنینگ فیسبوک صحیفه‌میزگه باش اورینگ!
اونگه کوره: «اوشبو بویوک مرکز ده قریب ۵۰۰ دکان سودا آلیش-بیریش اوچون قوریلگن، افغانستان‌لیک سوداگرلر ۵۰ دکان نی اجاره گه آلگنلر. کونسه‌یین افغانستان‌لیک‌لر علاقه‌سی آشماقده و هر کونی اونلب کیشی کېلیب کېته‌دیلر.»
اۉزبېکستان ترمذ خلق‌ارا سودا مرکزیده سودا فعالیت‌لرینی باشله‌گن افغانستان‌لیک‌لردن بیرقطاری، اقتصاد رواجلنیشی اوچون بو کبی بازارلرنی اونملی بهالسه‌لرده، لېکن کوپراق قوله‌یلیک یره‌تیلیشینی اېسته‌یدیلر.
افغانستان‌لیک سوداگرلر، دکان‌لر اجاره‌سی کمه‌یتیریلیشی، باریب-کېلیش اوچون قوله‌یلیک یره‌تیلیشی، مذکور بازار ده‌گی رستورانت‌لر و هوتل‌لر خره‌جتی کمه‌یتیریلیشی اوستیگه تأکید اېته‌دیلر.
بیزلرنینگ «ایکس» ترماغی ده هم تعقیب قیلینگ!
اولکه یشاوچیلری، اوشبو سودا مرکزی آچیلیشی افغانستان و اۉزبېکستان نینگ سودا مناسبتی مستحکم‌لنیشی گه سبب بولیشیدن خورسندلیک بیلدیره‌دیلر.
افغانستان-اۉزبېکستان قۉشمه سودا مرکزی ۱۲ جریب ییرده ۷۵ میلیون دالر عوضی گه قوریلگن، بو مرکز سودا بازاری، سودا دکان‌لری، مهمانخانه‌لر و رستورانت‌لر همده ساغلیق مرکزلر بیلن تأمینلنیب اۉزبېکستان نینگ سرخان‌دریا ولایتی مرکزی «ترمذ» شهریده قوریلگن.
