مولانا جلالالدین محمدبلخی ایککینچی کورگزمهسی، افغانستان و اۉبېکستان سوداگرلرینینگ حضوری بیلن، بلخ مرکزی مزارشریف شهریده اۉتکزیلدی.
اوشبو کورگزمه، افغانستان و اۉبېکستان ایچکی تولیدلریگه بازار قیدیریش و تانیشتیریش همده بو ایککی مملکت اورتهسیده سودا آلیش-بیریش حجمی کوپهیشی مقصدیده اۉتکزیلگن.
کورگزمه تشکیلاتچیسی مسئولی شکرالله بقایی گه کوره، اوشبو کورگزمهده ۲۵۰ دن آرتیق غرفهده ایککی مملکتنینگ ایچکی تولیدلری اوچ کونگچه نمایش گه قوییلگن.
بیزلرنینگ فیسبوک صحیفهمیزگه باش اورینگ!
اونینگ کوپهیتیریشیچه: «بو کورگزمهده ۲۵۰ غرفه، افغانستان و اۉزبېکستان سوداگرلرینینگ تولیدلری و قول صناعتی همده عیاللر اوچون اختصاص بیریلگن و اوچ کونگچه دوام تاپهدی. کورگزمهده سوداگرلرنینگ تورلی محصولات و تولیدلری نمایش گه قوییلگن، افغانستان و اۉزبېکستان اورتهسیده اقتصادی شرطنامهلر امضالنیشی کوتیلهدی.»
بو ایککی مملکت سوداگرلریدن بعضیلری، تولید و محصولاتلری گه بازار قیدیریش و اولرنی تانیشتیریش اوچون بو گَل کورگزمهلرنی اونملی دیب و بوندهی برنامهلر کوپراق اۉتکزیلیشی گه تأکید اېتهدیلر.
اوشبو کورگزمهده غرفهدارلردن احمدفریدنینگ ایتیشیچه: «کورگزمهنینگ صناعت بولیمیده رولی مهم دیر. تشکیلاتچیلریدن بو کورگزمهنی باشقه ولایتلرده اۉتکزیشنی اېستهیمیز، چونکه باشقه سوداگرلر و ایشلب چیقرووچیلر هم اوندن فایدهلنسهلر.»
بیزلرنینگ «ایکس» ترماغی ده هم تعقیب قیلینگ!
اۉزبېکستانلیک سوداگر رحمتالله گه کوره: «اۉزبېکستانده مکرونی ایشلب چیقرووچی فابریکه بار، محصولاتلریمیزنی بو کورگزمه گه نمایش گه قوییش اوچون کېلدیک، قیله آلسهی بو یول آرقهلی شرطنامه امضالب و افغانستان گه تولیدلریمیزنی صادر قیلسک.»
افغانستان و اوزبیکستان سونگی آیلرده تورلی ساحهلرده کوپینچه اقتصادی شرطنامهلرنی امضالهگن بیرحالده، بلخده بو کورگزمه اوتکزیلماقده.
