بیرلشگن ملت‌لر نینگ ایکینچی‌لیک و آزیق-آوقات تشکیلاتی نینگ، «آزیق-آوقات توسیق‌لیگی توغریسیدگی خلق‌ارا گزارش» اسمی آستیده‌گی ینگی گزارشی‌ده کیلیشیچه، ییتی مملکت یشاوچیسی ۲۰۲۲-ییل‌دن بویان قشاقلیک و کم‌بغل‌لیک بیلن روپه‌ره دیر.
اوشبو گزارش اساسیده، سومالیا ده آچرچیلیک میزانی ۵۷ فایز بولگنی بیرحالده، افغانستان، بورکینافاسو، هائیتی، نایجریا، جنوبی سودان و یمن ده هم شو کبی قیین شرایط یوز بیرگن.
افغانستان یشاوچیلری سرک‌لر یانیده ایش و نان تاپیش کیتی‌ده بولگنی بیرحالده، بیرلشگن ملت‌لر نینگ ایکینچی‌لیک و آزیق-آوقات تشکیلاتی، اوشبو مملکت نینگ آچلیک و کم‌بغل‌لیک قیین‌چیلیک‌لری بیلن دوچ بولگن ییتی مملکت‌دن بیری بولگنی نی خبر بیرگن.
بیزلرنینگ فیسبوک صحیفه‌میزگه باش اورینگ!
کابل یشاوچیلریدن قطاری نینگ ایتیش‌لریچه، آز درآمد بیلن عایله اعضالری نینگ تویغیزیش گه کوچ‌لری ییتیشمه‌یدی و شونینگدیک کوپینچه پیت عایله‌لری اوچون اوچ وقت ییمک تیار قیله آلمه‌یدیلر.
سکیز کیشی‌لیک عایله سرپرستی و کابل نینگ جوی‌شیر منطقه یشاوچیسی بولمیش اسلام‌قل نینگ ایتیشیچه، ایرتنگ‌دن آخشم‌گچه کراچی بیلن بیر لقمه نان تاپیش کیتی‌ده دیر؛ بیراق قولگه کیلتیره‌دیگن پول، بیر پیت ییمک خصوصیده هم ییترلی ایمس.
اسلام‌قل نینگ کوپه‌یتیریشیچه: «هیچ بیر چاره یوق. ۸ عیالیمیز بار. اولر سمنگان ده و بیر لقمه نان نی کوتیب تورگنلر. بیر کسلی‌میز هم بار که سکیز آی‌دن بیری تداوی آستیده دیر. کونده ۱۰۰ یا-ده ۱۵۰ افغانی قولگه کیلتیره‌من که بو پول بیلن قوروق نان آلیش هم قیین دیر.»
کابل شهری یشاوچیلری نینگ ایتیش‌لریچه، کوپینچه کون اوچ وقت ییمگی نی تاپه‌آلمه‌ی، آچ قرین بیلن قیین بیر شکلده حیات‌لری نی اوتکزه‌دیلر.
کابل شهری نینگ ییتینچی ناحیه یشاوچیسی محمد‌آغا نینگ ایتیشیچه: «۱۵۰ افغانی قولگه کیلتیره‌من. ۱۰۰ افغانی‌سی مصرف بوله‌دی که اوی گه هیچ نرسه قالمه‌یدی. خدا شاهد که، حاضرگچه چای ایچگنیم یوق. حیات کوپ قیین اوته‌دی. بیچاره‌لی و قیین‌چیلیک‌لر کوپ دیر. بیر قوروق نان بیلن حیاتی‌میز نی اوتکزه‌میز.»
کابل شهری نینگ گذرگاه یشاوچیسی سلیمان نینگ ایتیشیچه: «بوگون هم نان ییمه‌گن‌مین. اوی‌ده هیچ نرسه یوق. اوی‌ده حتی گاز هم یوق. شونده‌ی کون‌لر هم بار که اوچ یا-ده تورت کون هیچ نرسه ییمه‌گن بولسه‌ی.»
مذکور گزارش‌ده کیلیشیچه، افغانستان شامل ییتی مملکت اوتگن ییتی ییل جریانیده جدی آچلیک و آزیق-آوقات ناتینچ‌لیگی بیلن روپه‌ره ایکن‌لر که، شونینگدیک اوشبو مملکتلر‌ده توییب آوقات‌لنمه‌سلیک کسللیگی کوپه‌یگن دیر.
بیراق اسلام امیرلیگی مسئوللری افغانستان حقیده بیرلشگن ملت‌لر تشکیلاتی نینگ ایکینچی‌لیک و آزیق-آوقات تشکیلاتی گزارشی نی رد قیلیب و ایتیشیچه، دنیا تورلی بولیم‌لرده تحریم‌لر نی وضع قیلیش و افغانستان سرمایه‌لری نی موزلنتیریش بیلن، مملکتده قیین‌چیلیک‌لر نی ایجاد قیلیش گه سبب بولگن.
بیزلرنینگ توییترده هم تعقیب قیلینگ!
اسلام امیرلیگی سوزلاوچی اورین‌باسرلریدن بلال کریمی نینگ سلام‌وطندار گه ایتیشیچه، دنیا بشری مسئله‌لردن قوللنیش بیلن افغانستان ده اقتصادی قیین‌چیلیک‌لر نینگ اورته گه کیلیشی گه سبب بولگن.
جناب کریمی نینگ کوپه‌یتیریشیچه: «دنیا جماعه‌سی اسلام امیرلیگی بیلن دیپلوماتیک رابطه‌لر برقرار‌لیگی بولیمی‌ده و تورلی بولیم‌لرده‌گی قیین‌چیلیک‌لر حلی اوچون، قیین‌چیلیک‌لر نی حل قیلیش‌لری کیره‌ک. سیاسی مسئله‌لر نی انسانی مسئله‌لردن اوزاق قیلیش‌لری کیره‌ک و بهانه قیلمه‌یشلری کیره‌ک؛ بشری مسئله‌لردن قوللنمه‌یشلری پیتده، اقتصادی قیین‌چیلیک‌لر نینگ حل بولیشی ممکن.»
اوشبو گزارش اساسیده، اوتگن ییل دنیا بویلب ۲۵۸ میلیون کیشی عاجل یاردم گه نیازمند ایکن که، بو رقم گه قره‌گنده اوتگن ییل گه نسبت ۱۹۳ میلیون کیشی کوپه‌یگن.
