افغانستان نینگ غیر صنعتی اورینی و کوپینچه کانلری باعث، ییر سیاره‌سی نینگ ایسیق‌لیگی گه قرشی کوره‌ش رهبرلیگی نی بویینگه آلاله‌دی کیم دنیا اونینگ مثال صفتیده ایسلب و شونینگدیک خلق‌ارا اقتصادی رواجله‌نیش و همکارلیک تشکیلاتلرنینگ حرمتی و قدرددانلیگی نی قولگه کیلتیره آله‌دی.
بو «Eneref» انیریف انستیتوتی نینگ رئیسی و اساسچی‌سی سیت وارین رز نینگ بیاناتی دیر کیم تحقیق و دادخواهلیک آرقه‌لی دنیا مملکت‌لری نینگ دایمی رواجله‌نیشی خصوصیده فعالیت قیله‌دی.
افغانستان سیاستچی‌لری و مدنی فعاللریدن قطاری توپله‌نیب و ۱۵- فبروری ده واشنگتن ده افغانستان صورتی نینگ قیته خلق قیلیش مجمع‌سینی یولگه قوییشگن. مذکور انجمن انیریف انستیتیوتی نینگ مجموعه‌سی آستیده فعالیت قیله‌دی.
مذکور گروه افغانستان دن ینگی بیر صورت ارایه قیلیش اوچون افغانستان صورتی نی قیته خلق قیلیش مجمعی آستیده بیر کمپاین یولگه قوییشگن. مذکور کمپاین ده افغانستان معدنی منبع‌لرینی فسیلی منبع‌لردن قوللنمه‌ی چیقاره آلیب و شونینگدیک ییر سیاره‌سینی ایسیق بولیشی گه قرشی کوره‌ش رهبرلیگی نی بویینگه آلاله‌دی.
جناب وارن سلام‌وطندار بیلن خاص بیر صحبت اوتکزیب ایتیشیچه، دنیا اینیقسه بای مملکتلر ییر سیاره‌سی نینگ ایسیق‌لیگی گه قرشی کوره‌ش مسئولیتی نی بویینیگه آله‌دیگن بیر مملکت نی کوتیب تورگن و افغانستان غیر صنعتی بیر مملکت بولگنی اوچون ییر ایسیق‌لیگی گه قرش کوره‌ش رهبرلیگی نی بویینیگه آلیب و باشقه مملکتلرگه الگو بوله آله‌دی.
جناب وران رز نینگ ایتیشیچه، افغانستان کوپینچه کانلر گه ایگه دیر و افغانستان یشاوچیلری حیات دوامی اوچون کانلرنی چیقاریش گه محتاج دیر، بیراق افغانستان بو کانلرنی زمانوی تکنالوزی بیلن استخراج قیلیب و بو مملکت مردمی و یشش محیطی گه ضرر ییتیشتیرمه‌ی و شونینگدیک ییر سیاره‌سی نینگ ایسیق‌لیگی سبب بولمه‌گن صورتده، ۸ میلیارد کیشی نینگ جانی نی نجات بیرگن بیر مملکت بوله‌دی.
جناب رز نینگ ایشانچی گه کوره، افغانستان بو موقعیتی گه قره‌گنده، قویاش، شمال و سوو دن انرژی ایشلب چیقاره آله‌دی و بو مملکت نینگ ایشی نی یشش محیط و ییر نی ایسیق قیله‌دیگن فسیلی سوختلر قولله‌نیشیدن بی نیاز قیله آله‌دی.
افغانستان صورتی نی قیته خلق قیلیش مجمع‌سی تورلی شخص‌لردن تشکیل بولگن کیم اولر افغانستان کیله‌جگی دن اقتصادی رواجله‌نیش خصوصیده پیشگام بیر مملکت صفتیده بیر صورت ارایه قیله آله‌دیلر.
عبدالله خداداد، احمدضیا مسعود، فوزیه کوفی، محمدکاظم همایون، احمدناصر سرمست، میرویس بلخی و شونینگدیک باشقه تانیقلی سیاستچی‌لردن قطاری بو مجمع نینگ اعضالری دیر.
واشنگتن ده افغانستان صورتی نینگ قیته خلق قیلیش مجمع باشلیغی عبدالله خداداد نینگ سلام‌وطندارگه ایتیشیچه، افغانستان کانلرینی چیقاریش اوچون فسیلی سوخت‌لرگه یوز کیلتیرمه‌گن صورتده، ییر ایسیق‌لیگی نی آلدینی آلیش گه سبب بولیب و ییر سیاره‌سی نینگ ایسیق‌لیگی آلدینی آلینیشی انسان نینگ حیاتی نی یوقاری درجه ایسیق‌لیک و نابود قیله‌دیگن سوو تاشقین‌لردن نجات بیره‌دی.
جناب خداداد گه کوره، افغانستان قیته خلق قیلیش مجمعی دنیا گه افغانستان دن ینگی بیر صورت ارایه قیلیش اوچون سعی و حرکت قیله‌دی.
افغانستان کوپینچه کانلر گه ایگه دیر کیم دنیا ترقیات اوچون اونگه محتاج دیر، بیراق افغانستان قیته خلق قیلیش مجمعی نینگ ایتیشیچه، شمال، قویاش و سوو انرژی‌لری آرقه‌لی کانلرنی چیقاریش ریجه‌سی نینگ تیارله‌نیشی افغانستان هم کانلری نی چیقاریش و هم ییر سیاره‌سی نینگ ایسیق‌لیگی گه قرشی کوره‌ش گه سبب بوله‌دی.