اسلام امیرلیگی ایکینچیلیک، سووغاریش و چارواچیلیک وزیرلیگی، افغانستان و اوزبیکستان جوجه ییتیشیریش و نطفهلی یومورتقه ایشلب چیقریش ساحهسیده شرطنامه امضالهگنیدن خبر بیردی.
اوشبو وزیرلیک، بوگون (۲۴ حمل/۱۳ اپریل، دوشنبه) ایکس صحیفهسیده بیر بیانیه ترقهتیب، بو شرطنامه اسلام امیرلیگی ایکینچیلیک، سووغاریش و چارواچیلیک وزیری عطاءالله عمری و اوزبیکستان رسمیلری اشتراکیده، «همکار پرنده» و «یاشلر سمرقند» کمپنیهلری آرهسیده، کابلده امضالنگنینی بیلدیردی.
بیانیه گه کوره، تامانلر بیر کونلیک تاووق جوجهسی و نطفهلی یومورتقهلرنی آلیش-بیریش بولیمیده همکارلیک قیلیشهدی. شرطنامه قیمتی ایکی میلیون دالر دییلگن.
ایکینچیلیک، سووغاریش و چارواچیلیک وزیرلیگی بیانیهسیگه کوره، افغانستان تاووق گوشتی ایشلب چیقریش بولیمیده قریب اوز-اوزینی تأمینلش گه ییتگن، بیراق تاووق جوجهسینی ییتیشتیریش و نطفهلی یومورتقه ایشلب چیقریش بولیمیده تشقریدن آلیب کیلیشگه محتاج و بوندهی همکارلیکلر بو قرهملیکنی کمهیتیریش گه یاردم بیرهدی.
