اسلام امیرلیگی سودا و صناعت وزیرلیگینینگ اعلام قیلیشیچه، افغانستان و اوزبیکستاننینگ خصوصی سکتورلری آرهسیده ۵۱۴ میلیون ۸۰۰ مینگ دالر ارزشیگه نیچه شرطنامه امضالنگن.
مذکور وزیرلیکنینگ بوگون (۹-حمل، یکشنبه)، اکس صحیفهسیده یازیشیچه، افغانستان و اوزبیکستاننینگ خصوصی سکتورلری آرهسیدهگی همکارلیک شرطنامهلر، ایکی تامان آرهسیدهگی تجاری ییغیلیشلرده امضالنگن.
سودا و صناعت وزیرلیگینینگ کوپهیتیریشیچه، مذکور شرطنامهلر جوجه ایشلب چیقریش کارخانهلری آچیلیشی، قوروق میوه، تورلیخیل سبزهوات، سمنت و تاشکومیر وارداتی و صادراتی، تیل، قیر، مس، آزیق-آوقت محصوللری، یاغ وارداتی و الکولسیز ایچیملیکلر صادر بولیشی بولیملریده امضالنگن.
اوزبیکستاننینگ اسلام امیرلیگی بیلن اقتصادی یقین مناسبتی بولیب و اوتگن تورت ییلده افغانستان بیلن تورلی بولیملرده نیچه همکارلیک شرطنامهنی امضا قیلگن.
سودا و صناعت وزیرلیگینینگ معلوماتی اساسیده، ۲۰۲۴-ییلده افغانستان و اوزبیکستان آرهسیده ۶۴۳ میلیون دالر آلیش-بیریش بولگن.
