اۉزبېکستان برق وزیری جورهبیک میرزا محمدوف و اوشبو مملکتنینگ افغانستان ایشلری بوییچه مخصوص وکیلی عصمتالله ایرگشاوف،کابل گه رسمی سفرلری دایرهسیده، برق ساحهسیده اسلام امیرلیگی بیلن تورت شرطنامه امضالهگن.
اسلام امیرلیگی باش وزیرینینگ اقتصادی اورین باسرلیگی، ۲۶-اسد، یکشنبه کونی ایکس صحیفهسیده بیر بیانیه ترقهتیب بو حقده خبر بیرگن.
بیزلرنینگ فیسبوک صحیفهمیزگه باش اورینگ!
بیانیه اساسیده، اوشبو شرطنامه اسلام امیرلیگی باش وزیرینینگ اقتصادی اورین باسری عبدالغنی برادر و اۉزبېکستان برق وزیری جورهبیک میرزا محمدوف حضوری بیلن کابلده حکومت یېتکرمهلر مرکزیده امضالنگن.
بیانیه گه کوره، افغانستان و اۉزبیکستان عملدارلری آرهسیده ۲۴۳ میلیون دالرلیک تورت برق لایحه شرطنامهسی امضالنگن.
بو لایحهلر ۱۰۰ میگاواتلی کوچگه ایگه سرخان-دشتالوان ۵۰۰ کیلوولت برق لینینی اوزهیتیریش، ۸۰۰ میگاولت امپیر کوچگه ایگه ارغندی سباستیشنینی کېنگهیتیریش، ۸۰۰ میگاواتلی کوچگه ایگه کابل-شیخمصری ۲۲۰ کیلوولت برق لینینی اوزهیتیریش و ۱۲۶ میگاولت امپیر کوچگه ایگه ننگرهار شیخمصری سباسیتشینینی قوریشدن عبارت دیر.
بیزلرنینگ «ایکس» ترماغی ده هم تعقیب قیلینگ!
اۉزبیکستان اوشبو لایحهلر اوستیگه تخمیناً ۲۴۳ میلیون دالر سرمایه یاتقیزهدی.
اوشبو لایحهلر ایشی توگهشی بیلن، افغانستان اۉزبیکستاندن ۸۰۰ دن ۱۰۰۰ میگاواتلی برق قولگه کیریتیب و ایشلری ۱۸ آی ایچیده یکونلنیشی کوتیلهدی.
اۉزبېکستان برق وزیری جورهبیک میرزا محمدوف و اوشبو مملکتنینگ افغانستان ایشلری بوییچه مخصوص وکیلی عصمتالله ایرگشاوف و بیرگه هیئتی، اوتگن کون کابل گه تشریف بویرگنلر.
